પોલિટીકલ:બારડોલી સુગરની ચૂંટણીમાં બે પેનલના 26 ઉમેદવારો મેદાનમાં

બારડોલી સુગર ફેક્ટરીની વ્યવસ્થાપક સમિતિની ચૂંટણી જાહેર થયા બાદ સામ સામે ઉમેદવારી પત્રો ભરાયાં હતા. શુક્રવારે ઉમેદવારીપત્રની યાદી જાહેર કરવાની અંતિમ તારીખે 13 બેઠક પર 2 પેનલના 26 ઉમેદવારો સામસામે ચૂંટણી લડવાની અંતિમ યાદી જાહેર કરાઇહતી.

એશિયામાં નામના ધરાવતી બારડોલી સુગરની ચૂંટણી જાહેર થતાં જ લોકોમાં ઉત્સુકતા જાગી હતી. શુક્રવારે ચૂંટણીના ઉમેદવારોની અંતિમયાદી જાહેર કરવાની તારીખ હોય, જેમાં 13 બેઠક માટે 2 પેનલ બનાવી છે. જેમાં સામ સામે બેઠક દીઠ 2 ઉમેદવારો મળી, 26ની યાદી જાહેર કરવામાં આવી હતી. મોતા જૂથમાં 2, ખરવાસા 2, શામપુરા 2, ઓરણા 2, સેવણી 2, પુણા 2, તુંડી 2, એના 2, નિઝર 2, બારડોલી 2, મોટી ફળોદ 2, સ્ત્રી અનામત 1 જૂથમાં 2 અને સ્ત્રી અનામત 2 જૂથમાં 2 ઉમેદવારો ચૂંટણી અધિકારી પંકજ પટેલ દ્વારા જાહેર કરવામાં આવી હતી.