અછતની અસર:ગત વર્ષે 100 રૂ. કિલો હતા તેે ગલગોટા આ દીવાળીએ 200માં વેચાયા

બારડોલી નગરમાં ગત વર્ષે દિવાળીS ગલગોટાના ફૂલોનો ભાવ 100 રૂપિયે કિલો હતો જેની સામે ચાલુ વર્ષે ફૂલોનો ભાવ પ્રતિ કિલો 180 થી 200 કિલો વેચાયા હતા. જેથી ચાલુ વર્ષે ફૂલોનો ભાવ વધુ હોવાથી જે ગ્રાહકો 1 કિલો ફૂલ ખરીદતા હતા તેમણે કાપ મુકી 500 ગ્રામ ફૂલ ખરીદ્યા હોવાનું વિક્રતાઓએ જણાવ્યું હતું.

સુરતમાં પુરતા પ્રમાણમાં ફૂલો ન આવતા અછત
ચાલુ વર્ષે ગલગોટાના ફૂલો સુરત સહેરના હોલશેલ માર્કેટમાં પુરતા પ્રમાણમાં ન આવતા જિલ્લાના લોકલ ખેડૂતોના ગલગોટાની માંગ વધી છે અછતના લીધે ભાવ વધ્યો છે. - ઇરફાન પટેલ, ફૂલના વેપારી

MP, મહારાષ્ટ્રમાં ફૂલોનો પાક નષ્ટ થતાં અછત
ચોમાસામાં ભારે વરસાદથી મહારાષ્ટ્ર અને એમપીમાં ગલગોટાનો પાક નિષ્ફળ ગયો છે જેને લીધે ફૂલોની અછત સર્જાઈ છે. - ફારૂક શેખ, ફૂલના વેપારી