અકસ્માત:ચીકટીયા ગામે બાઈક અને ટ્રેકટર વચ્ચે અકસ્માત, બાઇકસવાર બે ને માથામાં ઇજા પહોંચી

ડાંગ જિલ્લાના આહવા- વઘઇ રોડ પર ચીકટીયા ગામે ગુરૂવારે સવારે 7.30 વાગે આહવા તરફ જઈ રહેલ પલ્સર બાઈક અને ટ્રેક્ટર વચ્ચે અકસ્માત સર્જાયો હતો. સવારના સમયે જ બનેલી આ ઘટના બની ત્યારે લોકોની અવરજવર પણ ઓછી જણાય હતી. તેવામાં ત્યાંથી પસાર થતા કેટલાક લોકો ઇજાગ્રસ્તોની મદદે પહોંચ્યા હતા. આ ઘટના અંગે 108 એમ્બ્યુલન્સને જાણ કરતા ટૂ઼ંકા ગાળામાં એમ્બ્યુલન્સ ઘટના સ્થળે પહોંચી હતી. દરમિયાન ઇજાગ્રસ્તોને 108માં બેસાડી રવાના કરાયા હતા. આ અકસ્માતમાં બાઇક સવાર બે ના માથાના ભાગે ઇજા પહોંચી હતી. જેમને 108 એમ્બ્યુલન્સમાં આહવાની સિવિલ હોસ્પિટલમાં દાખલ કરાયા હતા. અકસ્માતના બનાવ અંગે પોલીસ ફરિયાદ નોંધાઇ હતી.