મેઘમહેર:સાબરકાંઠા તરબતર, સરેરાશ 2 ઇંચ વરસાદ, જિલ્લામાં સૌથી વધુ ખેડબ્રહ્મામાં 4.5 ઇંચ

હિંમતનગર2 મહિનો પહેલા
  • કૉપી લિંક
  • હાથમતી જળાશયમાં સૌથી વધુ 1400 ક્યૂસેક પાણીની આવક થઈ
  • જિલ્લાના શહેરોમાં અને ગામડાઓમાં વરસાદી સમસ્યાઓ યથાવત
  • ચિત્રોડામાં વીજળી પડતા 5 પશુના મોત, 2 પશુ ગંભીર

સાબરકાંઠા જિલ્લામાં છેલ્લા એક સપ્તાહથી પડી રહેલ વરસાદને પગલે હવે વરસાદની ઘટ સરભર થઇ ગઇ છે પરંતુ પ્રથમ રાઉન્ડમાં જ વરસાદી વીજળી એક યુવક અને 5 પશુને ભરખી જતા અરેરાટી વ્યાપી ગઇ છે મંગળવારની રાત્રિ દરમિયાન મોસમનો સરેરાશ 5 ટકા વરસાદ વરસી જતા અત્યાર સુધીમાં મોસમનો 31.42 ટકા વરસાદ નોંધાઇ ગયો છે અને ચાલુ સીઝનમાં પ્રથમવાર હરણાવ જળાશયમાં 1600 ક્યૂસેક પાણીની આવક થઇ હતી.

ઇડર તાલુકાના ચિત્રોડામાં મંગળવારે રાત્રે સાડા આઠેક વાગ્યાના સુમારે પ્રેમજીભાઇ રબારીના તબેલામાં વીજળી પડતા પાંચ ભેંસોના કમકમાટી ભર્યા મોત નીપજ્યા હતા અને બે ભેંસોને ગંભીર ઇજા થઇ હતી. સાબરકાંઠા જિલ્લામાં મંગળવારે દિવસે મેઘરાજાએ પોરો ખાધા બાદ સમી સાંજે વરસવાનુ શરૂ કરતા આઠેય તાલુકામાં સાર્વત્રિક વરસાદ નોંધાયો હતો. જેમાં ખેડબ્રહ્મા તાલુકામાં મેઘરાજાએ બધડાટી બોલાવતા સાંજે 6 વાગ્યાથી 10 વાગ્યા દરમિયાન ચાર કલાકમાં 100 મીમી - 4 ઇંચ વરસાદ ખાબકી ગયો હતો

જ્યારે પોશીનામાં સાંજે બે કલાકમાં સવા બે ઇંચ, હિંમતનગરમાં રાત્રિ દરમિયાન બે ઇંચ, ઇડર વડાલીમાં પણ પોણા બે ઇંચ જેટલો અને બાકીના તાલુકામાં અડધાથી પોણો ઇંચ વરસાદ વરસતા મધ્યરાત્રિ સુધીના 6 કલાકમાં મોસમનો સરેરાશ 5.71 ટકા વરસાદ વરસી જતા અત્યાર સુધીમાં જિલ્લામાં 31.42 ટકા વરસાદ નોંધાયો છે જેમાં હિંમતનગર તાલુકામાં સૌથી વધુ કુલ 365 મીમી એટલે કે 43.66 ટકા અને પ્રાંતિજ તાલુકામાં સૌથી ઓછો 149 મીમી એટલે કે 18.28 ટકા વરસાદ નોંધાયો છે.

17થી 29 જુલાઈ સુધી વરસાદના સારા યોગ
ચિતરીયાના જ્યોતિષી દેવશંકર ભટ્ટે જણાવ્યુ કે 17થી 29 જુલાઇ દરમિયાન સૂર્ય, ગુરૂ, ચંદ્ર, બુધ ગ્રહોનો નવ પંચમ યોગ સર્જાય છે સૂર્ય બુધ ગુરુ જળતત્વ રાશિના અને મંગળ અગ્રિ તત્વનો હોવાને કારણે રાજ્યમાં કોઇક જગ્યાએ અઘટિત ઘટના પણ બની શકે છે. ઉત્તર ગુજરાતના ચાર જિલ્લામાં ભારે વરસાદ ખાબકી શકે છે સૌરાષ્ટ્ર દક્ષિણ ગુજરાતમાં વરસાદનો કેર જોવા મળી શકે છે. સમુદ્ર કિનારાના વિસ્તારોમાં તોફાની પવન સાથે વરસાદના યોગ છે.

ખેડબ્રહ્મા શહેરમાં મકાન ધરાશાયી, વર્ષો જૂના બે ઝાડ પડ્યા
ખેડબ્રહ્મામાં મંગળવારે રાતે ખબકેલા 4 ઇંચ વરસાદથી ગામ વિસ્તારમાં રાધા કૃષ્ણ મંદિર સામે આવેલા સુથાર ઈશ્વરભાઈ બેચરભાઈનું મકાન ધરાશાયી થઈ ગયું હતું. જ્યારે વાસણા રોડ પર આવેલ હનુમાનજી મંદિર પાસે વારસો જૂના બે ઝાડ પડી ગયા હતાં આ ઉપરાંત અંબાજી હાઈવે પર લીમડાં પડી જતાં ટ્રાફિક જામ થયો હતો.

તાલુકોવરસાદકુલટકાવારી
હિંમતનગર4836543.66
ઇડર4421922.6
વડાલી4129934.53
ખેડબ્રહ્મા11429835.77
પોશીના5727833.25
વિજયનગર1330236.21
પ્રાંતિજ2314918.28
તલોદ1921327.03
સરેરાશ44.88265.3831.42

​​​​​​​

અન્ય સમાચારો પણ છે...