મહિલાએ 100 નંબર પર કોલ કર્યો:હિંમતનગર-ચાણસ્મા એસટી બસમાં મુસાફરનું પર્સ ખોવાયું; પોલીસે બસમાં મુસાફર મહિલાની હાજરીમાં તપાસ કરી

સાબરકાંઠા (હિંમતનગર)એક મહિનો પહેલા

સાબરકાંઠા જીલ્લાના હિંમતનગર એસટી બસ સ્ટેન્ડ પર હિંમતનગર-ચાણસ્મા એસટી બસમાં બેસેલી મહિલા મુસાફરના થેલામાંથી પર્સ ખોવાઈ જતા 100 નંબર પર કોલ કર્યો હતો. બી-ડીવીઝન પોલીસે એસટી બસમાં મહિલા મુસાફરની હાજરીમાં તપાસ કરી, પરંતુ પર્સ મળ્યું ન હતું. પોલીસે મહિલા મુસાફરનો જવાબ લઈને કાર્યવાહી કરી હતી.

અંદાજીત બેસેલા 30 જેટલા મુસાફર
આ અંગેની વિગત એવી છે કે, હિંમતનગરમાં એસટી બસ સ્ટેન્ડથી ઉપડતી હિંમતનગર-ચાણસ્મા બસમાં વિજાપુરના કુકરવાડા ગામના મુસાફર હિરલબેન ચિરાગ દેસાઈ બેસ્યા બાદ તેમના થેલામાં પર્સ ન હતું. જેને લઈને તેમણે કંડક્ટરને જાણ કરી હતી. બીજી તરફ હિરલબેને 100 નંબર પર કોલ કર્યો હતો. જેને લઈને હિંમતનગર બી-ડીવીઝન પોલીસ સ્ટેશન આગળ પોસ્ટ ઓફીસ પીક અપ સ્ટેન્ડ આગળ બસ ઉભી રાખી હતી. ત્યારબાદ એસટી બસ બી-ડીવીઝન પોલીસ સ્ટેશનમાં લાવવામાં આવી હતી. જેમાં અંદાજીત બેસેલા 30 જેટલા મુસાફર હતા.

બસમાં મહિલાની હાજરીમાં પોલીસે તપાસ કરી
બી-ડીવીઝન પોલીસે 100 નંબર પર કોલ કરનાર મહિલા મુસાફર હિરલબેન સાથે જ એસટી બસમાં પોલીસે તપાસ હાથ ધરી હતી. તમામ મુસાફરોની પૂછપરછ કરી થેલા પણ ચેક કર્યા હતા. પરંતુ હિરલબેનનું પર્સ મળ્યું ન હતું. આ અંગે હિંમતનગર બી-ડીવીઝન પોલીસે તપાસ બાદ એસટી બસમાં કઈ ના મળતા હિરલબેન ચિરાગ દેસાઈનો જવાબ લઈને આગળની કાર્યવાહી હાથ ધરી હતી. તપાસ બાદ એસટી બસ ચાણસ્મા જવા રવાના થઇ હતી. આ અંગે બી-ડીવીઝન પીએસઆઈ એ.વી. જોશીએ જણાવ્યું હતું કે, એસટી બસમાં મહિલાનું પર્સ ખોવાઈ જતા કંટ્રોલ રૂમમાં કોલ કર્યો હતો. જેને લઈને એસટી બસમાં મહિલાની હાજરીમાં પોલીસે તપાસ કરી, પરંતુ કઈ મળ્યું ન હતું.

અન્ય સમાચારો પણ છે...