લોકોમાં રોષ:ઇડરના બારેલા તળાવમાં પાયો ખોદવાની કામગીરી નગરપાલિકાએ અટકાવી દીધી

ઇડરમાં આવેલ બારેલા તળાવમાં અજાણ્યા શખ્સો દ્વારા પાયાનું ખોદકામ કરતાં પાલિકાને જાણ થતાં કામગીરી બંધ કરાવી હતી. પાયો ખોદતાં પાણીની પાઇપલાઇન તૂટી જતાં વણઝારાવાસમાં પાણી ન મળતાં લોકોમાં રોષ ફેલાયો હતો.

ઇડર-અંબાજી હાઇવે પર બારેલા તળાવમાં પાયા ખોદવાની કામગીરી અજાણ્યા શખ્સો દ્વારા શરૂ કરતાં વણઝારાવાસમાં જતી પાણીની પાઇપલાઈન તૂટી જતાં વણઝારાવાસમાં પાણી ન મળ્યું હતું. આ અંગે પાલિકાના ચીફ ઓફિસર હરીશ અગ્રવાલે જણાવ્યું કે હાલ પૂરતી કામગીરી બંધ કરાવી છે આજે સ્થળ તપાસી કરી નિર્ણય લેવાશે.