સમસ્યા:આદિવાસી વિસ્તારની મહિલાઓ, બાળકો અને વૃદ્ધો આરોગ્યની સુવિધાથી દૂર: સાંસદ

રાજપીપળા2 મહિનો પહેલા
  • કૉપી લિંક
  • આદિવાસીઓ માટે આધુનિક દવા, આરોગ્ય સેવાઓ પુરી પાડી તેનું સંચાલન કરવું મોટો પડકાર: મનસુખ વસાવા

લોકસભાના સંસદસત્રમાં ભાજપ સાંસદ મનસુખ વસાવાએ દેશના આદિવાસીઓની આરોગ્ય સબંધી સમસ્યાના પ્રશ્નો ઉઠાવ્યા હતા અને દેશના આદિવાસીના સ્વાસ્થ્ય અંગે ચિંતા વ્યક્ત કરી હતી. સાંસદ મનસુખ વસાવાએ જણાવ્યું હતું કે વિવિધતામાં એકતા એ ભારતીય સંસ્કૃતિની ઓળખ છે અને આના મૂળમાં ચોક્કસપણે ભારતના વિવિધ પ્રદેશોમાં વસતી જાતિઓ છે. જે પ્રદેશોમાં રહેવાથી ભારતીય સંસ્કૃતિને તેની સંસ્કૃતિ દ્વારા આગવી ઓળખ આપે છે.

ભારતે વિશ્વની છઠ્ઠી સૌથી મોટી અર્થવ્યવસ્થાનો દરજ્જો હાંસલ કર્યો છે, પરંતુ તેમ છતાં આજે પણ આદિવાસી સમાજના લોકો દેશના પછાત અને અંતરિયાળ વિસ્તારોમાં વસવાટ કરે છે અને ઘણી સમસ્યાઓનો સામનો કરી રહ્યા છે. જોકે સરકાર તેમના સ્તરે આદિવાસીઓની સ્થિતિ સુધારવા માટે વધુ સારા પ્રયાસો કરી રહી છે પરંતુ આ કાર્યોમાં વધુ અસરકારક ફેરફારોની જરૂર જણાય છે.

દેશના આદિવાસીઓની આરોગ્ય સમસ્યાઓ, દુર્ગમ અને પછાત વિસ્તારોમાં રહેતા આદિવાસીઓ માટે આધુનિક દવાઓ અને સેવાઓ પુરી પાડી તેનું સંચાલન કરવું મોટો પડકાર છે. આવી સ્થિતિમાં આદિવાસી વિસ્તારની મહિલાઓ, બાળકો અને વૃદ્ધોનું સ્વાસ્થ્ય ખરાબ થઈ ગયું છે.આજે પણ દેશના અંતરિયાળ અને પછાત આદિવાસી વિસ્તારોની મહિલાઓ, બાળકો અને વૃદ્ધો આરોગ્ય સુવિધાની માળખાથી દૂર છે.

સુવિધા ઉપલબ્ધ કરાવવા નક્કર વ્યવસ્થા થવી જોઈએ
હું સરકારને વિનંતી કરું છું કે દેશના આદિવાસી વિસ્તારોમાં સ્થાનિક કક્ષાએ કુશળ પ્રશિક્ષિત ડોકટરો દ્વારા ઝડપી તબીબી સુવિધાઓ ઉપલબ્ધ કરાવવા માટે નક્કર વ્યવસ્થા કરવી જોઈએ.દેશના આદિવાસીઓમાં સ્વાસ્થ્ય જાગૃતિ અભિયાન શરૂ કરવું જોઈએ. > મનસુખ વસાવા, સાંસદ.

અન્ય સમાચારો પણ છે...