ધરપકડ:ઉમરવા - રાજપરા ગામ વચ્ચે થયેલી લૂંટમાં 4 શખ્સ ઝડપાયા

નાંદોદ તાલુકાના રાજપરા, ઉમરવા માર્ગ પર દિવાળી ટાણેં લૂંટારુ ટોળકી સક્રિય બની હતી. અનેક લોકો અહીં લૂંટાયા હોવાની ફરિયાદો સામે આવતાં પોલીસે સઘન તપાસ હાથ ધરી હતી. આ રસ્તા ઉપર એક બાદ એક ત્રણ લૂંટના બનાવો બનતા પોલીસ અધિક્ષક નર્મદા હિમકર સિંહની સૂચનાથી LCB પી.આઈ એ.એમ.પટેલ, પીએસઆઇ સી.એમ.ગામીત તેમજ એલ.સી.બી. પોલીસ સ્ટાફ પેટ્રોલિંગ કરી ટેકનીકલ સર્વેલન્સની મદદથી અને બાતમીદારો દ્વારા માહીતી મળતા ભરૂચ જિલ્લાના ઝઘડિયાના બામલ્લા ગામે રહેતા સહદેવ ઉર્ફે બાબર ગોપાલ વસાવા, સતિષ શાંતિલાલ વસાવા, નવીન વિનુ વસાવા, સહદેવ વિનુ વસાવાને ઝડપી પાડ્યા હતા. તેમની પાસેથી સોનાની ચેઇન-1 કબજે કરી હતી. આ સાથે તેમની ટોળકીમાં વધુ જોડાયેલા મીનેશ ઉર્ફે નયનેશ રાજેશ વસાવા, સતિષ રતિલાલ વસાવા અને દિપક ઉર્ફે કાલો સોમા વસાવા પણ સામેલ હતા. પોલીસે તેમને પણ ઝડપી પાડવા વધુ તાપસ હાથ ધરી છે.