ધરપકડ:સ્ટેચ્યુ ઓફ યુનિટીના રૂા. 5.24 કરોડની ઉચાપતમાં રાઇટર કંપનીના 2 કર્મચારીની ધરપકડ

સ્ટેચ્યુ ઓફ યુનિટીના લોકાર્પણ બાદ પ્રવાસીઓની આવક વધતાં SOUની પ્રવેશ ફી, પાર્કિંગ ફી સહિતની આવકના રૂા.5.24 કરોડ HDFCબેંકમાં જમા ન કરાવનાર રાઈટર બિઝનેસ સર્વિસિંગ પ્રાઈવેટ લિમિટેડના કર્મીઓ સામેે કેવડિયા પોલીસ સ્ટેશનમાં ફરિયાદ નોંધાતા પોલીસે એજન્સીમાં કામ કરતા બે લોકોની ધરપકડ કરી હતી. હજી પણ બે શખ્સો ફરાર હોય પોલીસે તેમને શોધવાની કવાયત હાથ ધરી છે.

કેવડિયા પોલીસમાં બેન્કે ફરિયાદ નોંધાવ્યા બાદ નર્મદા LCBએ રાઈટર કંપનીમાં ફરજ બજાવતા આશિષ જોશી, જયરાજસિંહ સોલંકી, નિમેષ અને હાર્દિક નામના ચાર કર્મચારીઓને ઝડપી પાડવા વડોદરામાં ધામા નાંખ્યા હતા. નર્મદા પોલીસની ટીમે વડોદરાના સુભાનપુરા અને કોયલી વિસ્તારમાં તેમના નિવાસસ્થાને દરોડા પાડયા હતા. ગુરુવારે સવારે કંપનીના અધિકારી આશિષ જોશી અને કર્મચારી જયરાજસિંહ સોલંકીને કોયલી ગામ સ્થિત નિવાસસ્થાનેથી ઝડપી પાડ્યા હતા.