વિવાદ:રાજપીપલાના બગીચામાં અસામાજિક પ્રવૃતિઓની થતી હોવાની રજુઆત

રાજપીપળાના દરબાર રોડની જૂની પોસ્ટ ઓફીસ પાસે નગરપાલિકા દ્વારા નગરજનો નવરાશ સમયે એકલા અથવા ફેમિલી સાથે ખુલ્લા ફરી શકે બેસી શકે તે માટે રાજપીપળાના જાણીતાં સમાંજ સેવક સ્વં.ચંપકલાલ સુખડીયાનું નામ આપી બગીચો બનાવવામાં આવ્યો છે. પરંતુ આ બગીચામાં દરબાર રોડ તેમજ બક્ષી ખડકીના લોકો જઇ શકતા નથી કારણ કે બગીચાના સમય ઉપરાંત રાત્રી દરમિયાન પણ બગીચામાં અસામાજિક તત્વો અડ્ડો જમાવી બેસે છે અને નશો કરી અપશબ્દો બોલી બુમાબુમ કરે છે.

એટલુંજ નહિ પરંતુ સ્થાનિકોનું કહેવું છે કે ગાર્ડન બંધ થઈ ગયા બાદ રાત્રીના સમયે ગાર્ડનની દીવાલ કૂદી અસામાજિક તત્વો ગાર્ડનમાં પ્રવેશે છે. અને ગેરકાયદેસર પ્રવૃતિઓ કરે છે જે હાલ વધવા લાગી છે ઉપરાંત ગાર્ડનની સામે જૈન મંદિર પણ આવેલું છે ધાર્મિક સ્થળ હોવાને કારણે બહારથી પણ લોકો મંદિરે આવતા હોય છે અસામાજિક તત્વોને કારણે તેમની પર ખરાબ અસર પડે છે અને આ રોજની સમસ્યા છે તથા ગાર્ડનના ગેટ પાસે જ ગંદકીનું સામ્રાજ્ય વધી ગયું છે.