રાજકારણ:ભાજપને ટિકિટ ન આપતા જિલ્લા મહિલા મોર્ચાના મહામંત્રીની અપક્ષ ઉમેદવારી

સ્થાનિક સ્વરાજની ચૂંટણી માટે ફોર્મ ભારવની આજે આખરી તારીખ છે ત્યારે અત્યાર સુધીમાં રાજપીપલા નગરપાલિકાની સ્થિતિ જોઈએ તો અપક્ષ ઉમેવારો 64 ભાજપ ના 25 અને કોંગ્રેસ 09 ફોર્મ સાથે 98 ફોર્મ ભરાયા જયારે જોકે ટિકિટ વાંચ્છુકો વધી જતા ભાજપ કોને કાપે અને કોને આપે એવી પરિસ્થિતિ ઉભી થતા ટીકીટ વહેચણીમાં ભાજપના કાર્યકરોમાં જ ભડકો થયો છે.

નર્મદા જિલ્લા ભાજપ લઘુમતી મોરચાના મહામંત્રી ઈરફાન આરબે પણ બળવો કરી વોર્ડ 5 માંથી અપક્ષ ઉમેદવારી નોંધાવી હતી. ત્યારે નર્મદા જિલ્લા ભાજપ મહિલા મોરચા મહામંત્રી મનીષાબેન ગાંધી તથા નાંદોદ તાલુકા ભાજપ મહિલા મોરચાના મહામંત્રી સરોજબેન તડવીએ વોર્ડ 7 માંથી અપક્ષ ઉમેદવારી નોંધાવી છે. જોકે તેઓ ટિકિટ નહિ પાછી ખેંચે અને પાર્ટી ધારે તો સસ્પેન્ડ કરે કે રાજીનામુ માંગે તો પણ તે તૈયાર છે.