આયોજન:કેવડિયા ખાતે એક લાખ પ્રવાસી લાવવાની કવાયત,દેશના ટૂર ઓપરેટરોની ત્રી - દિવસીય બેઠક

ભારત સરકારના પર્યટન મંત્રાલય દ્વારા ઉદ્યોગજગત અને તેના હિતધારકો સાથે હાલમાં ચાલી રહેલા જોડાણના ભાગરૂપે, 12થી 14 ફેબ્રુઆરી 2021 દરમિયાન કેવડિયામાં આવેલા સ્ટેચ્યૂ ઓફ યુનિટી ખાતે તેમના વાર્ષિક સંમેલનનું આયોજન કરીને સ્થાનિક ટૂર ઓપરેટરોના સંગઠનને સહકાર આપવામાં આવી રહ્યો છે. પર્યટન મંત્રાલયના સચિવ અરવિંદસિંહ સંમેલન ખાતે “પર્યટનમાં પ્રોત્સાહન માટે ઉડ્ડયનની ભૂમિકા” વિષય પર સંબોધન આપશે.

પર્યટન મંત્રાલયના અધિક મહાનિદેશક સુરુપિન્દર બ્રાર “ટેકનોલોજી ભવિષ્ય છે- વાસ્ત્વિકમાંથી વર્ચ્યુઅલ પ્રવાસ” વિષય પર યોજનારા સત્રમાં મધ્યસ્થતા કરશે સમગ્ર દેશમાંથી સરકારના મહાનુભાવો, ઉદ્યોગજગતના અગ્રણી વક્તાઓ, સ્થાનિક ટૂર ઓપરેટરો, એરલાઇન્સ, હોટેલ ઉદ્યોગના અગ્રણીઓ સહિત અંદાજે 350-400 પ્રતિનિધીઓ આ કાર્યક્રમમાં ઉપસ્થિત રહેશે.