દંડની વસુલાત:પોલીસની દંડ ઉઘરાવવામાં દાદાગીરી, ઘરના ઓટલે બેઠેલા લોકો પાસેથી 1000 વસૂલ્યાં

કોરોના મહામારી વચ્ચે નર્મદા જિલ્લામાં કોરોના કેસો દિન પ્રતિદિન વધી રહ્યા છે. જિલ્લા વહીવટી તંત્ર આરોગ્ય વિભાગ અને પોલીસ તમામ કામે લાગી ગયા છે ત્યારે હાલ માસ્ક કોરોના સામે રક્ષણ આપનારું હોય માસ્ક વગર દેખાતા લોકો સામે તવાઈ બોલાવાઇ રહી છે. અત્યર સુધી 2.5 લાખ કરતા પણ વધુ દંડ ઉઘરાવ્યો છે. એક બાજુ લોકોના ધંધા ના ઠેકાણા નથી બીજી બાજુ 1000 રૂપિયા દંડ વસુલ્યો.હવે હદ તો ત્યાં થઇ ગઈ કે પોલીસ ઘરના આંગણે ઓટલા પાર બેઠેલા લોકોના પણ દાદાગીરી કરી 1000 દંડ વસૂલ્યા આવી દાદાગીરીથી લોકોમાં રોષ વધી રહ્યો છે.

પોલીસ કોઈ નેતાને નહિ પણ ગરીબેને જ દંડે છે એવો રોષ લોકોમાં જોવા મળી રહ્યો છે. આરોગ્ય વિભાગે રીક્ષા ફરતી કરાઈ કે ટેસ્ટ નહિ કરવો તો તમારા ધંધા બંધ કરી દેવાશે. આ દાદાગીરીનો વિરોધ થયો. શહેરમાં માસ્ક વગર ફરતા લોકો વિરુદ્ધ કાર્યવાહી કરવા નીકળેલી પોલીસે કાછીયાવાડમાં પહોંચી ઘરના ઓટલે માસ્ક વગર બેઠેલા લોકો પાસે 1000 રૂપિયા દંડ ઉઘરાવતા પોલિસ અને લોકો વચ્ચે તું તું મેં મેં થયું હતું.

ભરચક વિસ્તરમાં પોલીસ કાર્યવાહી થતી નથી
રાજપીપલામાં પોતાના ઘરના ઓટલા પર બેસી બે લોકો વાત કરતાં હતાં. પોલીસ આવીને 1000નો દંડની રસીદ ફાડી પૈસા માટે દાદાગીરી કરી હતી. ખડુતે રૂપિયા આપવા પડ્યા. તે કેટલું વ્યાજબી. શહેરના ભરચક વિસ્તરમાં પોલીસ કાર્યવાહી નથી કરતી. > કપિલ પટેલ, કાછીયાવાડ