વિરોધ:નર્મદામાં 50 હેલ્થ વર્કર્સને 2 માસથી પગાર ન ચૂકવાતા હડતાલ પર ઉતર્યા

નર્મદા જિલ્લામાં આઉટ સોર્સિંગથી ખાનગી એજન્સીમાં કામ કરતી 50 જેટલી ફિમેલ હેલ્થ વર્કરો ને છેલ્લા 2 મહિના થી પગાર મળ્યો અને પગાર પણ જે નિયમ મુજબ આપવાનો હોય એના કરતાં ઓછો આપવામાં આવે છે. જેથી આ ફિમેલ હેલ્થ વર્કર્સ રોષે ભરાઈ ને જિલ્લા વિકાસ અધિકારી અને જિલ્લા આરોગ્ય અધિકારી બન્નેને રજુઆત કરી આ સમસ્યા નો ઉકેલ લાવવા રજુઆત કરી હતી.

કોરોનામાં સૌથી વધુ દર્દીઓની સૌથી નજદીક રહી દવા ઇન્જેક્શન બોટલો ચઢાવી સહિત કોરોના નું ટેસ્ટિંગ પણ આ કર્મચારીઓ કરતી આવી છે. વધુ ઇનસેટિવ આપવા કરતા પગાર પુરેપુરો આપતા નથી. અને હાલ બે મહિનાથી પગાર થયો નથી. ફિમેલ હેલ્થ વર્કર નું કહેવું છે. કે અમે વરમવાર રજૂઆતો કરીએ છે પણ અધિકારીઓ કોઈ સોલ્યુશન કરતા નથી એટલે અમારે આજે હડતાળનું શાસ્ત્ર હાથમાં લેવું પડ્યું અમે.પગાર ની.માંગણી કરીએ છે તો ખાનગી એજન્સી અમને છુટા કરવાની ધમકી આપે છે. એટલે આ સમસ્યા નો ઉકેલ લાવવો જરૂરી છે.

કોરોનાકાળમાં ફ્રન્ટલાઈન વોરિયર્સ રહી ચૂકેલા આરોગ્ય કર્મીઓ પગારથી વંચિત
નર્મદા જિલ્લામાં વિવિધ આરોગ્યકેન્દ્રો ઉપર આઉટ સોર્સિંગ એજન્સીઓને કર્મીઓ માટે કોન્ટ્રાક્ટ ફાળવવામાં આવ્યો છે. જે એજન્સીઓ હેલ્થ કર્મીઓની ભરતી કરી કામગીરી કરે છે. પરંતુ કોરોના કાળમાં ફ્રન્ટલાઈન વોરિયર રહી ચૂકેલા આરોગ્યકર્મીઓને જ એજન્સીએ છેલ્લા 2 મહિનાથી પગાર નથી ચૂકવ્યો. અનેક વખતની રજૂઆત છતાં પગાર નહીં મળતાં આ કર્મીઓની સ્થિતિ કથળી છે. વહેલી તકે પગાર ચૂકવી આપવા માંગ કરી છે.