ગુપ્ત બેઠક:કેવડિયામાં RSSની કોર કમિટીની ત્રિ - દિવસીય ગુપ્ત બેઠક સંપન્ન

રાષ્ટ્રીય સ્વયંસેવક સંઘની 4 ફેબ્રુઆરીએ કેવડિયા ટેન્ટ સીટી ખાતે શરૂ થયેલી કોર કમિટીની ત્રિ-દિવસીય કોર કમિટીની અત્યંત ગુપ્ત બેઠક કેવડિયા ટેન્ટ સીટી ખાતે 5 ફેબ્રુઆરીએ મોડી સાંજે પૂર્ણ થઈ હતી.રાષ્ટ્રીય સ્વયમ સેવક સંઘની દર 3 મહિને રાષ્ટ્રીય કક્ષાની કોર કમિટીની બેઠક વિવિધ વિષયો અને મુદ્દાઓને લઈને મળતી હોય છે.

4 ફેબ્રુઆરીએ સર સંઘચાલક મોહન ભાગવત, સરકાર્યવાહ ભૈયાજી જોશી, સહ સર કાર્યવાહ મુકુંદદાજી, ડો.કૃષ્ણ ગોપાલજી સહિતના RSSના 8 મહાનુભાવો કેવડિયા ખાતે આવી પહોંચી સીધા ટેન્ટ સીટી 1 ખાતે પહોંચ્યા હતા.બાદ બપોરે 4 વાગ્યાની આસપાસ તેઓ સુરક્ષા ઘેરા વચ્ચે સ્ટેચ્યુ ઓફ યુનિટી, જંગલ સફારી પાર્ક ખાતે આવ્યા હતા.ટેન્ટ સીટી ખાતે મહાનુભવોને અલગ ઝોનમાં ટેન્ટની ફાળવણી કરાઈ હતી અને એ વિસ્તારમાં પોલીસ બંદોબસ્ત ખડકી દેવાયો હતો.RSSની કોર કમિટીની ગુપ્ત બેઠકમાં વિસ્તૃત ચર્ચા થયાની પણ શક્યતાઓ છે.