સાદગીથી ઉજવણી:કોરોનાનો કહેર હોવા છતાં કરફ્યુ મુક્ત કેવડિયામાં નવવર્ષના વધામણાં કરવા લોકોનો થનગનાટ

ગુજરાત નું સૌથી મોટું પ્રવાસન સ્થળ ગણાતું કેવડિયા ખાતે દરવર્ષે મોટી પાર્ટી નું આયોજન 31 મી ડિસેમ્બરના કરવામાં આવે છે. અને મોટી સંખ્યામાં લોકો પાર્ટીમાં એન્જોય કરે છે ડાન્સ ડિનર નો લાભ લે છે. ત્યારે આ વર્ષે કેવડીયામાં સ્થળો વધ્યા છે પરંતુ કોરોના ને લઈને સાવચેતી ખાસ જાળવવાની હોય તમામ પાર્ટી આયોજકો એ મોટી પાર્ટીનું આયોજન કરવાનું માંડી વાળ્યું છે.

25 થી 31 ડિસેમ્બર સુધી સ્ટેચ્યુ ઓફ યુનિટી અને બીજા સ્થળો હાઉસફુલ થઈ ગયા છે. જંગલ સફારી ના સ્લોટ હટાવી દેવામાં આવ્યા છે.એટલે ગમે તેટલા પ્રવાસીઓ આવી શકે છે. ગ્લો ગાર્ડન 10 વાગ્યા સુધી રાત્રીના ખુલ્લું.રાખવામાં આવે છે.8 વાગ્યા સુધી સ્ટેચ્યુ ઓફ યુનિટી પરિસર ખુલ્લું રહે છે ત્યારે આ વિસ્તારમાં નાઈટ કરફ્યુ ની ચિંતા નથી એટલે શહેરી વિસ્તારના લોકો કેવડિયા આવવાનું સૌથી વધુ પસંદ છે.એટલે કેવડિયાના વિસ્તારોની હોટેલો ટેન્ટ સિટીઓ 80 ટકા બુક થઈ ગઈ છે.

લોકો હજુ બુકિંગ કરાવવા પૂછપરછ કરી રહ્યા છે. કોરોના કાળમાં પણ નવા વર્ષને વધાવવા માટે કોંક્રિટના જંગલોમાંથી પ્રકૃતિના સાંનિધ્યામાં જવા માટે લોકો પડાપડી કરી રહ્યા છે. કેવડીયા હવે લોકો માટે હોટસ્પોર્ટ બની ગયુ છે.