આકર્ષણ:કેવડિયા જંગલ સફારીમાં પ્રવેશ મર્યાદા હટાવાતા શનિ-રવિની રજામાં 25 હજાર પ્રવાસીઓ ઉમટ્યાં

નર્મદા જિલ્લાનું કેવડિયા પ્રવાસન ધામ નવા વર્ષની ઉજવણીમાં સૌથી વધુ આકર્ષણ જમાવી રહ્યું છે. પ્રવાસીઓનો ધસારો અને ઓનલાઇન બૂકિંગ ફૂલ થઇ જતા સ્ટેચ્યુ ઓફ યુનિટી અને જંગલ સફારીમાં પ્રવાસીઓની એન્ટ્રીની મર્યાદાઓ વધારી દેવામાં આવી છે. હાલ જંગલ સફારીમાં સ્લોટ અને પ્રવાસીઓની સંખ્યા અમર્યાદિત કરતા પ્રવાસીઓનું સૌથી વધુ આકર્ષણ જંગલ સફારી બની રહ્યું છે. કોરના કાળમાં લાંબુ લોકડાઉન ભોગવી કંટાળેલી ગુજરાત સહીત ભારત ભરની જનતા હવે નાતાલ અને નવા વર્ષની વધામણાં માટેના દિવસો અને રાજાઓનો સદુપયોગ કરવા દેશના સૌથી સુંદર વાતાવર, પ્રાકૃતિક સૌંદર્યથી ભરપૂર અને 20થી વધુ પ્રોજેક્ટો એક સાથે નિહાળવાની તક આ તમામને જોતા કેવડિયા સૌથી વધુ પસંદ કરવામાં આવે છે.

એટલે પ્રવાસીઓ સૌથી વધુ આવે છે કોરોના મહામારીને લઈને હાલ પ્રવાસીઓની લિમિટેશન રાખવામાં આવી છે. બાકી આ રજામાં 50 હજારથી વધુ પ્રવાસીઓ નોંધાયા હોત. છતાં પણ શનિ રવિની રજાઓમાં 25 હજારથી વધુ પ્રવાસીઓ નોંધાયા હતા. જોકે 31 ઓક્ટોબર સુધી તમામ પ્રોજેક્ટો 90 ટકા હાઉસ ફૂલ હોય પ્રવાસીઓનો ધસારો 31 ઓક્ટોબર સુધી રહેશે એ વાત નક્કી છે.