ભાજપમાં આંતરિક નારાજગી:ડેડિયાપાડામાં ભાજપના સિનિયર નેતા કપાયા, શક્તિ પ્રદર્શનમાં મેદની ઉમટી

નર્મદા જિલ્લાના ડેડિયાપાડા ખાતે ભાજપના સિનિયર નેતાઓની ટિકિટ કપાતા એક તરફ અસંતોષની લાગણી ફેલાઈ હતી. પરંતુ શુક્રવારે ભાજપના ઉમેદવારો ફોર્મ ભરવા જતાં શક્તિ પ્રદર્શનમાં જનમેદની ઉમટી પડી હતી.

ભાજપે મેન્ડેટ આપવામાં આવવાના હતા તે તમામને ફોર્મ ભરવાની તૈયારી કરી દેવાની સૂચના આપી હતી. જેના પગલે ભાજપના કાર્યકરોએ ઉત્સાહથી ફોર્મ ભરી દીધા છે. ટિકિટ કપાતા સિનિયર નેતાઓ કાર્યકરો ચૂપ છે. પરંતુ 2022ની ચૂંટણીમાં બતાવી દેવાની આંતરીક ચીમકી પણ ઉચ્ચારી રહ્યાં છે. 30થી 40 વર્ષથી ભાજપમાં કાર્ય કરતાં નેતાઓને નજર અંદાજ કરીને અને ભવિષ્યમાં નડે તેવા ને કાપી નાખ્યા છે.