કોરોના ઇફેક્ટ:મોટી પાનેલીના વ્યક્તિનો રિપોર્ટ નેગેટિવ આવ્યો

મોટી પાનેલી ઉપલેટા તાલુકાના મોટી પાનેલી ગામમાં બે દિવસ પહેલા એક વ્યક્તિ કે જે જામજોધપુરના કોરોના પેશન્ટના સંપર્કમાં આવેલ હતા તેમને મોટી પાનેલી પીએચસીએ સર્તકતા દાખવી તાત્કાલિક રિપોર્ટ માટે રવાના કરેલ હતા, જેમનો નેગેટિવ રિપોર્ટ આવેલ છે, ને તેમને ચૌદ દિવસ હોમ ક્વોરન્ટાઇન કરવામાં આવ્યા છે.  

કોઈપણ વ્યક્તિ બહારથી આવે તો તેમની તુરંત પંચાયતને જાણકારી આપવી
પંચાયત ચેરમેન  બાલુભાઈ વિંઝુડા જણાવે છે કે આશરે તેર હજારની વસ્તી ધરાવતા પાનેલી ગામ માં શંકાસ્પદ કેશની જાણકારીએ ડર નો માહોલ પેદા થયો હતો. જેને લઇ કિરાણાની દુકાનો અને શાકભાજી ની લારી ઉપર લોકો ઉમટી પડ્યા હતા.  આજે દિવસ દરમિયાન ગ્રામ પંચાયત દ્વારા ગામમાં લાઉડ સ્પીકર દ્વારા લોકોને અપીલ કરવામાં આવેલ કે ખોટી અફવાઓ ઉપર ધ્યાન ન આપવું અને કોઈપણ વ્યક્તિ બહારથી આવે તો તેમની તુરંત પંચાયતને જાણકારી આપવી.