અકસ્માત:સુરતથી જામજોધપુર જતી બસ પોલ સાથે અથડાતા ચાલકને ઇજા

ઉપલેટાથી ૨૫ કિ.મી દુર સાજડીયાળીથી જામ ટીમડી રોડ ઉપર એસ.ટી.બસ ભયજનક વળાંક ન તારવી શકતાં રોડ ઉપરથી ઉતરી ગઇ હતી અને વીજપોલ સાથે અથડાઇ પડી હતી.આ અંગે મળતી વિગત એવા પ્રકારની છે કે વલસાડ ડેપોની બસ નંબર જી.જે 18 જે. 4317 સુરતથી જામજોધપુર જવા નીકળી હતી. સાજડિયાળી પાસેના ભયજનક વળાંક પાસે બસના સ્ટિયરિંગ પરનો કાબુ ગુમાવતાં બસ વીજ પોલ સાથે અથડાઇ પડી હતી અને બસના ચાલક શૈલેષભાઈ ગગનભાઇ રે. વલસાડને ઇજા થતા ઉપલેટા ખાનગી હોસ્પિટલમાં દાખલ કરવામાં આવ્યા હતા. આ બસમાં 26 મુસાફર હોતા,  જે તમામ મુસાફરોનો આબાદ બચાવ થયો છે. વધુ તપાસ મયુર ભાઈ સોલંકી હાથ ધરી છે.