• Gujarati News
  • Local
  • Gujarat
  • Rajkot
  • Work On Hospital Chowk Bridge To Be Completed In July, 50,000 Vehicles To Benefit, Half An Hour To Travel From Jamnagar Road To Ahmedabad Saved

ભાસ્કર એક્સક્લૂઝિવ:હોસ્પિટલ ચોક બ્રિજનું કામ જુલાઈમાં પૂરું થશે, 50,000 વાહનને થશે ફાયદો, જામનગર રોડથી અમદાવાદ તરફ જવામાં અડધી કલાક બચશે

રાજકોટએક મહિનો પહેલા
  • કૉપી લિંક
  • બ્રિજનો સૌ પ્રથમ એરિયલ વ્યૂ, વિમાનમાંથી લીધેલી તસવીર
  • થ્રી આર્મ બ્રિજના હાથ બની ગયા હવે જોડાણ આપવાનું જ બાકી

રાજકોટ શહેરમાં અલગ અલગ 5 સ્થળે બ્રિજ બની રહ્યા છે પણ તે પૈકી સૌથી પહેલા હોસ્પિટલ ચોક તૈયાર થશે. આ બ્રિજની અત્યાર સુધીમાં એરિયલ તસવીર સામે આવી નથી કારણ કે, એરપોર્ટ નજીક હોવાથી આ વિસ્તાર ડ્રોન પ્રતિબંધિત છે. આ કારણે ભાસ્કરની ટીમે ફ્લાઈટમાં જઈને પ્રથમ એરિયલ વ્યૂ તસવીર લીધી છે. તસવીરમાં જોઇ શકાય છે કે બ્રિજની ત્રણેય તરફના રોડ બની ચૂક્યા છે હવે ફક્ત ચોકમાં તેને જોડવાના બાકી છે.

આ બ્રિજ અંગે સિટી એન્જિનિયર એચ.યુ. દોઢિયાએ જણાવ્યું હતું કે, થ્રી આર્મ ફ્લાય ઓવરબ્રિજમાં ત્રણેય તરફના રોડ બની ગયા છે તેને જોડવાનું કામ બાકી છે જે જુલાઈના અંત સુધીમાં પૂરું થઈ જશે. આ બ્રિજ એક તરફ જામનગર રોડ બીજી તરફ ગ્રીનલેન્ડ ચોક અને ત્રીજી તરફ જવાહર રોડ સુધી જાય છે. 2018માં પહેલા ટ્રાફિક સરવે કરાયો હતો જે મુજબ 45449 વાહન એક દિવસમાં આ ચોકમાંથી પસાર થયા હતા દર વર્ષે તેમાં 2 ટકા વધારો ગણીએ તો સરેરાશ તેના કરતા 8 ટકા ટ્રાફિક વધ્યો હોય એટલે હવે 50,000થી વધુ વાહનોને તેનો લાભ થશે.

2018ના સરવે મુજબ હોસ્પિટલ ચોકમાંથી પસાર થતા વાહનો

દિશાવાહનોની સંખ્યાટકાવારી
અમદાવાદથી જવાહર ચોક528832.65
અમદાવાદથી જામનગર544933.64
અમદાવાદ તરફથી કુલ વાહનો14353
જામનગરથી અમદાવાદ414628.5
જામનગરથી જવાહર ચોક373425.67
જામનગર તરફથી કુલ વાહનો14127
જવાહર ચોકથી અમદાવાદ449726.28
જવાહર ચોકથી જામનગર290216.96
જવાહર ચોક તરફથી કુલ વાહનો16969

માધાપર ચોકડી અને હોસ્પિટલ ચોકને કારણે થશે ફાયદો

જે વાહનો જામનગરથી અમદાવાદ જઈ રહ્યા છે તેમના માટે બમણો ફાયદો થશે. માધાપર ચોકડીએ બ્રિજ બની રહ્યો છે જેનાથી ચોકમાંથી ટ્રાફિકને બદલે બ્રિજ પરથી નીકળી શકાશે અને તે જ રીતે હોસ્પિટલ ચોકમાં પણ બ્રિજ પરથી જઈને બંને ટ્રાફિકગ્રસ્ત વિસ્તારમાંથી મુક્તિ મળશે. તસવીર : પ્રકાશ રાવરાણી

30 મિનટનો સમય વાહનચાલકોનો બચશે કારણ કે, અમદાવાદથી જામનગર અને જામનગરથી અમદાવાદ જતા વાહનોને બે મોટા બ્રિજ મળશે.

અન્ય સમાચારો પણ છે...