સમન્સ:કેસ કરીને તે શું તીર માર્યું, પતિને કોર્ટનું સમન્સ

કોર્ટે મારું શું બગાડી લીધું અને તે મારી સામે કેસ કરીને શું તીર મારી લીધું તેવું કહેનાર રામનાથપરા-14માં રહેતા સમીર નુરમહમદ કુરેશી સામે ફેમિલી કોર્ટે સમન્સ ઇશ્યૂ કર્યું છે. સમીર કુરેશીના લગ્ન ગાંધીગ્રામમાં રહેતી નુરજહાબાનુ સાથે 2016માં થયા હતા. લગ્ન બાદ દહેજ સહિતના મુદ્દે ત્રાસ આપી નુરજહાબાનુને પુત્રી સાથે પહેરે કપડે કાઢી મૂકી હતી.

ત્યારે પુત્રી સાથેનું ભરણપોષણ કરવું કઠિન હોય નુરજહાબાનુએ એડવોકેટ વિપુલ આર.સોંદરવા મારફતે ફેમિલી કોર્ટમાં ખાધાખોરાકી મેળવવા અરજી કરી હતી. જેથી અદાલતે ખાધાખોરાકીની રકમ ચૂકવવા 2020ના જાન્યુઆરીમાં હુકમ કર્યો હતો. છતાં સમીરે 1 વર્ષ સુધી રકમ ચૂકવી ન હતી. જેથી નુરજહાબાનુની નવી અરજીના પગલે કોર્ટે સમીર કુરેશી સામે સમન્સ ઇશ્યૂ કર્યું છે.