રાજકોટના સમાચાર:વેરા વસુલાત શાખાએ 11 મિલકત સીલ કરી, ટાઉન પ્લાનિંગ શાખાએ આદર્શ એવન્યૂની સામે 8 દુકાન તોડી પાડી

રાજકોટમાં આજે વેરા-વસુલાત શાખા દ્વારા 11 મિલકતને સીલ કરવામાં આવી છે. તેમજ 1 નળ કનેક્શન કાપવામાં આવ્યું છે. આ ઉપરાંત 46 મિલકતને ટાંચ જપ્તની નોટિસ ફટકારી 85.37 લાખની રિકવરી કરવામાં આવી છે. વેરા વસુલાત શાખાએ આજ દિન સુધીમાં કુલ 287.15 કરોડની આવક કરી છે. જ્યારે ટાઉન પ્લાનિંગ શાખાએ વોર્ડ નં.11માં આદર્શ એવન્યૂની સામે 8 દુકાન તોડી પાડી 80 ચોરસ મીટર જગ્યા ખુલ્લી કરી હતી.

ક્યાં વિસ્તારમાં કઈ કાર્યવાહી કરાઇ

વન ટાઇમ ઇન્સ્ટોલમેન્ટ સ્કીમનો લાભ લેવા અનુરોધ
રાજકોટ મહાનગરપાલિકા દ્વારા વન ટાઇમ ઇન્સ્ટોલમેન્ટ સ્કીમના રજિસ્ટ્રેશનની અંતિમ તારીખ 31/03/2023 હોય, વધુમાં વધુ કરદાતાઓને આ યોજનાનો લાભ લેવા અનુરોધ કરવામાં આવ્યો છે.

8 દુકાન પર બૂલડોઝર ફરી વળ્યું
ટાઉન પ્લાનીગ શાખા દ્વારા વેસ્ટ ઝોન કચેરી હેઠળના વિસ્તાર વોર્ડ નં. 8, 11 અને 12માં ગેરકાયદેસર દબાણ કે બાંધકામ દૂર કરવા ડિમોલિશન હાથ ધરાયું હતું. જેમાં વોર્ડ નં.8માં પંચવટીનગરમાં દિલીપભાઈ કપુપરાના ઘર આગળના માર્જીન પર બૂલડોઝર ફરી વળી 90 મીટર જગ્યા ખુલ્લી કરાઇ હતી. તેમજ વોર્ડ નં.11માં આદર્શ એવન્યૂની સામે 8 દુકાન તોડી પાડી 80 ચોરસ મીટર જગ્યા ખુલ્લી કરાઇ હતી.