રજૂઆત:રાજ્યમાં લવ જેહાદ પર અંકુશ મૂકતો કાયદો બનવો જોઇએ

લવ જેહાદ અને ધર્માંતરણની પ્રવૃત્તિ સામે પરિણામલક્ષી લડત ચલાવવા કરણીસેના ઉત્તરપ્રદેશ અને મધ્યપ્રદેશની તર્જ પર ગુજરાતમાં પણ લવ જેહાદ પર અંકુશ મૂકતો કાયદો બનાવવા જનમત તૈયાર કરશે. ધર્મવિરોધીઓ ષડ્યંત્રના ભાગરૂપે આ પ્રકારની પ્રવૃત્તિ કરી રહ્યા છે આ પ્રકારની પ્રવૃત્તિઓ ઉપર લગામ કસવા રાજપૂત કરણીસેનાના પ્રદેશ અધ્યક્ષ જે.પી જાડેજાએ જણાવ્યું છે કે, સરકારમાં અમે લવ જેહાદ અને ધર્મપરિવર્તન પર લગામ મૂકતો કાયદો તાત્કાલિક ઘડવા માટે રજૂઆત કરીશું તથા ટૂંક સમયમાં જ ગુજરાતના તમામ જિલ્લા-તાલુકાઓમાં કરણીસેના કલેક્ટરની મુલાકાત લઇ આવેદન આપશે. લવ જેહાદનો ભોગ બનેલા વાલીઓની વ્યથાને સમાજ સુધી લઇ જવા માટે કરણીસેના દ્વારા રાજ્યના ગામે ગામ સુધી કાર્યક્રમો દ્વારા જનમત તૈયાર કરવાનો નિર્ણય લેવાયો છે. પત્રકાર પરિષદમાં કરણીસેનાના પ્રદેશ ઉપાધ્યક્ષ પિન્ટુભાઈ સહિતના ઉપસ્થિત રહ્યા હતા.