ગરમી:રાજકોટમાં તાપમાન 43 ડિગ્રીએ પહોંચ્યું, રેસકોર્સ ખાતે પારો 41.88 ડિગ્રી નોંધાયું

રાજકોટમાં સતત બે દિવસ સુધી ગરમીનો પારો 42 ડિગ્રી રહ્યા બાદ રવિવારે તાપમાનમાં એક ડિગ્રીનો વધારો થયો છે. તાપમાનનો પારો 43 ડિગ્રીએ પહોંચ્યો હતો. સૌથી વધુ તાપમાન ત્રિકોણબાગ ખાતે 44 ડિગ્રી નોંધાતા આખા રાજકોટમાં હોટસ્પોટ વિસ્તાર રહ્યો હતો.

શુક્ર 42.9 અને શનિવારે 42.5 ડિગ્રી તાપમાન રહ્યા બાદ રવિવારે ગરમીના પારામાં એક ડિગ્રીનો વધારો થયો હતો. રવિવારે સવારે લઘુતમ તાપમાન 25.7 ડિગ્રી નોંધાયું હતું અને બપોરે 2.30 કલાકે ગરમીનો પારો 42 ડિગ્રીએ પહોંચ્યો હતો. હવામાં ભેજનું પ્રમાણ 17 ટકા રહ્યું હતું અને પવન 26 કિલોમીટરની ઝડપે ફૂંકાયો હતો. જ્યારે પ્રદ્યુમ્નપાર્કમાં 41.75 ડિગ્રી, ડિલક્સ ચોકમાં 42.09 ડિગ્રી, કોર્પોરેશન ચોકમાં ગરમીનો પારો 42.09 ડિગ્રી, રેસકોર્સ ખાતે પારો 41.88 ડિગ્રી નોંધાયું હતું.