વાતાવરણ:તાપમાન 2 ડિગ્રી વધ્યું રાજકોટમાં ઠંડી યથાવત, એક સપ્તાહ સુધી આવું જ વાતાવરણ રહેશે, પવનની ઝડપ 20 KM રહી

રાજકોટમાં છેલ્લા 4 દિવસમાં કોલ્ડવેવની અસરને કારણે તાપમાનમાં ઘણો ઘટાડો આવ્યો હતો જો કે હવે નજીવો વધારો થયો છે આમ છતા હજુ ઠંડી યથાવત છે અને આગામી સપ્તાહ સુધી આવી જ સ્થિતિ રહેવાની છે.રાજકોટમાં ન્યુનતમ તાપમાન 8.3 ડિગ્રી સુધી ગગડી ગયુ હતુ બાદમાં 9 ડિગ્રી અને ફરી ઘટાડો આવી 8.8 રહ્યુ હતું. શુક્રવારે વધીને 10.1 ડિગ્રી સેલ્શિયસ રહ્યુ છે અને મહત્તમ તાપમાન 26.8 ડિગ્રી સેલ્શિયસ છે. તાપમાનમાં નજીવો સુધારો આવ્યો છે.

પણ તેને કારણે ઠંડીમાં ઘટાડો આવ્યો નથી કારણ કે હજુ પણ પવનની ગતિ 14થી 20 કિ.મી. પ્રતિ કલાકની છે અને ઉત્તર પૂર્વથી આવતા હોવાથી ઠંડા તેમજ સુકા છે. હવામાન વિભાગના જણાવ્યા અનુસાર આગામી સપ્તાહ સુધી મહત્તમ તાપમાન 28 કે તેનાથી નીચે તેમજ મહત્તમ તાપમાન 10 ડિગ્રી સેલ્શિયસની આસપાસ રહેશે.

શહેરનું તાપમાન