ધરણાં:સૌરાષ્ટ્ર યુનિવર્સિટીના PhDની એન્ટ્રસ એક્ઝામ ફરીથી લેવાની માગ સાથે વિદ્યાર્થીએ મોડી રાત સુધી આંદોલન ચાલુ રાખ્યું

સૌરાષ્ટ્ર યુનિવર્સિટીમાં પીએડીની એન્ટ્રસ એક્ઝામ આપનારા વિદ્યાર્થીઓએ મોડી રાત સુધી ધરણાં યથાવત્ રાખ્યાં છે. વિદ્યાર્થીઓએ યુનિવર્સિટીના સત્તાધીશોને પરીક્ષા ફરીથી લેવાની માગ સાથે આંદોલન શરૂ કર્યું છે. તેમનો આક્ષેપ છે કે પહેલા લેવાયેલી પરીક્ષામાં છબરડા થયા હતા. તેથી ફરીથી પરીક્ષા લેવામાં આવે. તેઓ વધુમાં જણાવે છે કે, આ મામલે તેમણે યુનિવર્સિટીના સત્તાધીશોને બેથી ત્રણ વખત રજૂઆત કરી હતી. તે છતાં કોઈ ઉકેલ આવ્યો નહોતો. આ ઉપરાંત સત્તાધીશો ગોળ ગોળ જવાબ આપતા હતા તેથી તેમણે આંદોલન શરૂ કર્યું છે.