તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

અંધશ્રદ્ધા:‘બીમારી દૂર કરવા વિધિ કરવી પડશે’ કહી સાધુ રાજકોટની મહિલા પાસેથી રૂ.5.80 લાખનાં સોના-ચાંદીનાં ઘરેણાં તફડાવી ગયો

રાજકોટએક મહિનો પહેલા
  • કૉપી લિંક
પ્રતીકાત્મક તસવીર. - Divya Bhaskar
પ્રતીકાત્મક તસવીર.
  • રામનગરની મહિલાને છેતરી ગયો: છ દી’ પહેલા કળા કરનાર ઠગ સકંજામાં આવતાં ફરિયાદ

શહેરમાં વિધિના બહાને મહિલાઓને યેનકેન પ્રકારે ભોળવી સાધુના સ્વાંગમાં આવતી ચીટર ટોળકી રોકડ, ઘરેણાં તફડાવી જતા હોવાના બનાવો સમયાંતરે પ્રકાશમાં આવતા રહે છે. થોડા સમય પહેલા જ આવા એક ઠગને પોલીસે પકડી પાડ્યો હતો. ત્યાં વધુ એક બનાવમાં છ દિવસ પહેલા મહિલાને બીમારી દૂર કરવા વિધિ કરાવી પડશેનું કહી 19 તોલા સોનું તફડાવી જનાર ઠગને પોલીસે સકંજામાં લીધો છે.

શારીરિક પીડા દૂર કરવા વિધિ કરવાનું કહ્યું
બાપા સીતારામ ચોક, રામનગર-1માં રહેતી હેતલ નિલેશભાઇ લાઠિયા નામની પરિણીતાએ નોંધાવેલી ફરિયાદ મુજબ, ગત તા.18ની બપોરે ઘરે હતી. ત્યારે એક સાધુ પાણી પીવાના બહાને ઘરે આવ્યા હતા. પાણી આપ્યા બાદ તે સાધુની વાતમાં આવી જતા પોતાને શારીરિક બીમારી હોવાની વાત કરી હતી. જેથી તે સાધુએ પોતે શારીરિક બીમારી દૂર કરી દેશે, તેના માટે વિધિ કરવી પડશે તેમ કહ્યું હતું. સાધુની આ વાતથી પોતાને વિશ્વાસ આવી જતા વિધિ કરવાની તૈયારી દર્શાવી હતી. જેથી તે સાધુ ઘરમાં આવી વિધિ માટે સોના-ચાંદીના ઘરેણાં રાખવા પડશેની વાત કરી હતી.

વિધિ કરવાનું કહી પાણી પીવડાવ્યું
સાધુએ ઘરેણાંની વાત કરતા કબાટમાં રાખેલા રૂ.5.81 લાખની કિંમતના કુલ 19 તોલા સોના-ચાંદીના ઘરેણાં લઇ આવી હતી. બાદમાં તે સાધુએ વિધિનું બહાનું કરી પોતાને પાણી પીવડાવ્યું હતું. તે પાણી પીધા બાદ પોતે બેહોશ થઇ ગઇ હતી. જ્યારે ભાનમાં આવતા ઘરમાં તે સાધુ કે તેને આપેલા સોના-ચાંદીના ઘરેણાં જોવા મળ્યાં ન હતા. જેથી સાધુ બની આવેલો શખ્સ ચીટર હોવાની અને તે ઘરેણાં તફડાવી ગયાની ખબર પડી હતી.

19 તોલા સોના-ચાંદીના ઘરેણાં લઈ ગયા
બીજી તરફ પોલીસમાં ફરિયાદ નોંધાય તે પહેલા જ સાધુના સ્વાંગમાં ઘરેણાં તફડાવી જનાર ચીટર ક્રાઇમ બ્રાંચના સકંજામાં આવી ગયો હતો અને તેને 19 તોલા સોના-ચાંદીના ઘરેણાં તફડાવ્યાની કબૂલાત આપી હતી. જે કબૂલાતને પગલે ભોગ બનનાર મહિલાની તાલુકા પોલીસમાં ફરિયાદ નોંધી છે. સાધુના સ્વાંગમાં છેતરપિંડી કરી છે કે નહીં તેની તપાસ પોલીસે શરૂ કરી છે.

અન્ય સમાચારો પણ છે...