શિક્ષણાધિકારીને ફરિયાદ:સાતડા અને મહિકાની સ્કૂલને 10-10 હજારનો દંડ, વિદ્યાર્થીઓને પરીક્ષા આપવા દીધી ન હતી

રાજકોટ20 દિવસ પહેલા
  • કૉપી લિંક

ફી ન ભરનાર વિદ્યાર્થીને પરીક્ષામાં ન બેસવા દેનાર સાતડા અને મહિકા ગામની સ્કૂલના સંચાલકોને 10-10 હજારનો દંડ ફટકારાયો છે. સાતડા ગામના વાલી અનુભાઈ ચાવડાએ કલેક્ટર તેમજ જિલ્લા પ્રાથમિક શિક્ષણાધિકારીને ફરિયાદ કરી હતી કે તેમનો પુત્ર ધ્રુવ સાતડા ગામમાં આવેલી સરદાર સ્કૂલમાં ધો. 8માં અભ્યાસ કરે છે.

સ્કૂલની ફી બાકી હોવાથી ફી લઈ આવવા માટે કહ્યું હતું જેથી અનુભાઈએ 16000 રૂપિયાનો ચેક લખી આપ્યો હતો અને પુત્ર સાથે મોકલાવ્યો હતો. સંચાલકોએ ચેક સ્વીકારવાની ના પાડી રોકડા લઈ આવવા કહ્યું હતું અને પરીક્ષા પણ આપવા દીધી ન હતી. પુત્રને લાગી આવતા તેણે ‘હું કૂવામાં પડી આપઘાત કરવા જાઉ છું’ તેવું કહ્યું હતું.

મહિકા ગામની નીલરાજ સ્કૂલમાં સંચાલકે ફોન કરીને કહ્યું હતું કે,’ફી નહીં ભરો તો પરીક્ષા આપવા નહીં દઈએ’. જેની ઓડિયો ક્લિપ પણ ફરતી થઈ હતી. જિલ્લા પ્રાથમિક શિક્ષણાધિકારીએ 10-10 હજારનો દંડ ફટકાર્યો છે.

અન્ય સમાચારો પણ છે...