રજૂઆત:કર્ફ્યૂનો સમય રાત્રે 11થી 6નો કરવા કરણી સેનાનો CMને અનુરોધ

રાત્રી કર્ફ્યૂનો સમય હવે રાત્રીના 11થી સવારે 6 સુધીનો કરવા જુદા જુદા સંગઠનો અને સંસ્થાઓ માગણી કરી રહ્યા છે ત્યારે તાજેતરમાં જ ગુજરાત રાજપૂત કરણીસેના દ્વારા પણ રાજ્યના ચાર મુખ્ય શહેરમાં રાત્રી કર્ફ્યૂને કારણે નાના વેપાર-ધંધાને નુકસાન ન થાય તે માટે કર્ફ્યૂનો સમય રાત્રે 11થી 6 સુધીનો કરવા મુખ્યમંત્રીને ગુજરાત રાજપૂત કરણી સેનાના પ્રદેશ અધ્યક્ષ જે.પી. જાડેજાએ અનુરોધ કર્યો છે. અગાઉ રાજકોટ ચેમ્બર ઓફ કોમર્સે નાના ધંધાર્થીઓને ધ્યાનમાં રાખીને મુખ્યમંત્રીને રાત્રી કર્ફ્યૂની સમયમર્યાદામાં ફેરફાર કરવા રજૂઆત કરી હતી.