રજૂઆત:વારંવાર હુમલો કરનાર શખ્સ સામે પોલીસમાં રજૂઆત

અન્ય એક બનાવમાં સંતકબીર રોડ, ચંપકનગર-1માં રહેતા પ્રવીણભાઇ કડવાભાઇ હાપલિયાએ તેના અને તેના પરિવાર પર મયૂરનગરમાં રહેતો પ્રેમજી રાજાભાઇ ડાભી નામનો શખ્સ હુમલો કરે તેવી સંભાવનાથી બી ડિવિઝન પોલીસમથકના પીઆઇને લેખિતમાં રજૂઆત કરી છે. પ્રવીણભાઇની ખેતીની જમીનમાં આરોપી પ્રેમજી ખેતીની જમીનમાં ભાગ માગી છેલ્લા ત્રણ વર્ષમાં ચાર વખત હુમલો કર્યો છે. એટલુ જ નહીં લોકડાઉન વચ્ચે ગત તા.3ના રોજ પણ હુમલો કરી ભાગી ગયો હતો. જે અંગે ફરિયાદ નોંધાવી હતી. આમ આરોપી પ્રેમજી પરિવારના એક સભ્યને ઓછો કરી દેવાની વારંવાર ધમકી દેતો હોય તે ફરી હુમલો કરે તેવી બીક હોવાથી તાત્કાલિક કાર્યવાહી કરવા રજૂઆતમાં જણાવ્યું છે.