ડબલ આવક:‘ટેકા’માં રિજેક્ટ થતા ખેડૂતો યાર્ડમાં મગફળી વેચી રહ્યા છે, રાજકોટ યાર્ડમાં ગત સિઝન કરતા ડબલ આવક

ટેકાના ભાવે મગફળી વેચવા માટે આવતા ખેડૂતોની મગફળી પરીક્ષણમાં પાસ થતી નથી પરિણામે મગફળી રિજેક્ટ થઈ છે. જે ખેડૂતોની મગફળી બજારમાં રિજેક્ટ થાય છે તેઓ ખુલ્લા બજારમાં મગફળી વેચવા આવી રહ્યા છે.બેડી યાર્ડમાં ગત સિઝનમાં 6 લાખ ગુણીની આવક થઈ હતી. જ્યારે આ વખતે 10 લાખ ગુણીની આવક થઈ છે. સોમવારે તેની હરાજી કરવામાં આવશે. વાહનો અંદર લાવવા માટે આખી રાત વ્યવસ્થા ગોઠવવામાંઆવી હતી.

જે ખેડૂતોની મગફળી ટેકાના ભાવમાં રિજેક્ટ થઇ છે તેઓ સીધા બેડી યાર્ડમાં મગફળી વેચવા માટે આવી શકે તે માટે ખાસ વ્યવસ્થા ગોઠવવામાં આવી છે. જેમાં ગેટપાસ બતાવનારના વાહન ગમે ત્યારે સ્વીકારી લેવામાં આવે છે. વાહનો અને અન્ય ખર્ચ ન લાગે તે માટે ખેડૂતો સીધા ખુલ્લી બજારમાં મગફળી લાવી રહ્યા છે. રવિવારે મગફળીના રૂ. 900-1100 સુધીના ભાવ હરાજીમાં બોલાય હતા. ચાર કલાકમાં જ 3 કિલોમીટર સુધી લાંબી વાહનોની લાઈન લાગી અને ત્રણ મેદાનમાં મગફળી ઉતારવામાંઆવી હતી.