ભાસ્કર એનાલિસિસ:પ્રિકોશન ડોઝ લેવામાં રાજકોટ ગુજરાતમાં ચોથા, બીજો ડોઝ લેવામાં પાંચમા ક્રમે; કોરોનાના ચાર એક્ટિવ કેસ

રાજકોટ2 મહિનો પહેલાલેખક: નિહિર પટેલ
  • કૉપી લિંક
ફાઈલ તસવીર - Divya Bhaskar
ફાઈલ તસવીર
  • એપ્રિલ સુધીમાં ગુજરાતમાં 5.15 કરોડ લોકોએ બીજો ડોઝ અને 26.83 લાખ લોકોએ પ્રિકોશન ડોઝ લીધો
  • રાજકોટમાં 27.55 લાખ લોકોએ પહેલો, 25.14 લાખે બીજો અને 1.31 લાખ લોકો પ્રિકોશન ડોઝથી સુરક્ષિત થયા, બીજો અને પ્રિકોશન ડોઝ લેવામાં અમદાવાદ નંબર-1
  • કોરોનાની વેક્સિન બાદ દેશભરમાં હોસ્પિટલાઈઝેશન અને મૃત્યુદર પર લગામ લાગી

ભારત અને વિશ્વભરમાં કોરોના હાલ કાબૂમાં છે ત્યારે ગુજરાતમાં અત્યાર સુધીમાં 5.39 કરોડ લોકોએ વેક્સિનનો પહેલો ડોઝ, 5.15 કરોડે બીજો અને 26.83 લાખ લોકોએ પ્રિકોશન ડોઝ પણ લઇ લીધો છે.

રાજકોટમાં પણ 15 વર્ષના બાળકોથી લઈને વડીલોએ પણ કોરોના સામે લડવા રસી લીધી છે. કોરોનાની રસીનો બીજો ડોઝ લેવામાં ગુજરાતભરમાં રાજકોટ પાંચમા સ્થાને છે જ્યારે પ્રિકોશન ડોઝ લેવામાં રાજકોટ રાજ્યમાં ચોથા ક્રમે રહ્યું છે. બીજો અને પ્રિકોશન બંને ડોઝમાં અમદાવાદ રાજ્યમાં પ્રથમ ક્રમે છે.

રાજકોટમાં 27.55 લાખ લોકોએ પહેલો, 25.14 લાખે બીજો અને 1.31 લાખ લોકોએ પ્રિકોશન ડોઝથી સુરક્ષિત થયા છે. કોરોનાની વેક્સિન બાદ દેશભરમાં મૃત્યુદર પર લગામ લાગ્યો છે. કોરોના થવા છતાં મહત્તમ દર્દીઓને હોસ્પિટલાઈઝેશનની જરૂર નથી પડી રહી.

કોરોના સામે રક્ષણ મળે એ હેતુથી કોવિશિલ્ડ અને કોવેક્સિન ડોઝ ભારતભરમાં યુદ્ધના ધોરણે આપવાની શરૂઆત કરાઈ હતી. કોરોના વોરિયર્સ બાદ, સિનિયર સિટિઝન અને ત્યારબાદ 45થી વધુ વયના અને એ પછી 18 વર્ષથી ઉપરના તમામને કોરોના વેક્સિનનો ડોઝ અપાયો હતો. 3 જાન્યુઆરીથી દેશભરમાં 15થી 18 વયના તરુણોને પણ વેક્સિનનો ડોઝ આપવાની શરૂઆત થઈ છે. 10 જાન્યુઆરીથી ફ્રન્ટલાઈન વોરિયર્સને પ્રિકોશન એટલે કે બૂસ્ટર ડોઝ દેશભરમાં આપવાની શરૂઆત થઈ છે. અનેક લોકો બંને ડોઝથી સુરક્ષિત થયા છે, કેટલાકે પ્રિકોશન ડોઝ પણ લઇ લીધો છે.

સૌથી વધુ બીજો ડોઝ લેનાર ટોપ-5 શહેર

શહેરબીજો ડોઝ
લેનારની સંખ્યા
અમદાવાદ62,38,815
સુરત52,17,649
વડોદરા29,00,266
બનાસકાંઠા25,69,491
રાજકોટ25,14,498

18થી 44 વર્ષના લોકોને સૌથી વધુ 6.10 કરોડ ડોઝ અપાયા

ઉંમરવેક્સિનના ડોઝ
12-1425,48,326
15-1757,01,956
18-446,10,88,469
45-602,35,81,038
60થી વધુ1,52,49,765
  • 10.82 કરોડ રસીના ડોઝ ગુજરાતીઓને અપાયા.
  • 5.39 કરોડ લોકોને પહેલો ડોઝ અપાયો.
  • 5.16 કરોડ લોકોએ બીજો ડોઝ લઇ લીધો.
  • 26.90 લાખ ગુજરાતીઓએ પ્રિકોશન ડોઝ લીધો

ગુજરાતમાં સૌથી વધુ 8.86 કરોડ ડોઝ કોવિશિલ્ડના અપાયા

વેક્સિનકેટલા ડોઝ અપાયા
કોવિશિલ્ડ8,86,52,177
કોવેક્સિન1,69,76,955
કોર્બેવેક્સ25,48,547

​​​​​​​ગુજરાતમાં 5.74 95 કરોડ પુરુષ, 4.80 કરોડ મહિલાને રસી અપાઈ

જાતિવેક્સિનના ડોઝ
પુરુષ5,74,66,880
સ્ત્રી4,80,33,511

​​​​​​​સૌથી વધુ પ્રિકોશન ડોઝ લેનાર ટોપ-5 શહેર

શહેરપ્રિકોશન ડોઝ
લેનારની સંખ્યા
અમદાવાદ3,52,340
વડોદરા2,00,499
સુરત1,85,102
રાજકોટ1,31,550
દાહોદ1,30,720

​​​​​​

અન્ય સમાચારો પણ છે...