સ્વાદની મજા બગડી:રાજકોટમાં એપાર્ટમેન્ટના ધાબે પાઉંભાજીનો પ્રોગ્રામ કરતા 7 શખ્સો ઝડપાયા, જાહેરનામા ભંગનો ગુનો નોંધાયો

રાજકોટના અમીન માર્ગના કંકાવટી એપાર્ટમેન્ટના ધાબે 7 શખ્સોએ પાઉંભાજીનો પ્રોગ્રામ રાખ્યો હતો. પરંતુ પેટ્રોલિંગમાં રહેલી માલવીયાનગર પોલીસને જાણ થતા દોડીઆવી હતી. ધાબે પાઉંભાજીનો સ્વાદ લે તે પહેલા જ 7 શખ્સોને પોલીસે ઝડપી લીધા હતા. પોલીસે આ સાતેય શખ્સો સામે જાહેરનામા ભંગનો ગુનો નોંધી વધુ કાર્યવાહી હાથ ધરી છે. 

જાહેરનામાનો ભંગ કરનાર સાત શખ્સોના નામ

પકડાયેલા સાત શખ્સોમાં કિશોરભાઇ વિઠ્ઠલભાઇ કનેરીયા, દિપકભાઇ જેન્તીભાઇ વાછાણી, પ્રશાંતભાઇ વલ્લભદાસ ભાળવડીયા, નિકુંજભાઇ ડાયાભાઇ કાલરીયા, અતુલભાઇ વિઠ્ઠલભાઇ ગોધાણી, અતુલભાઇ ડાયાભાઇ કાલરીયા અને સીરીશભાઇ  જેઠાલાલ રાઠોડનો સમાવેશ થાય છે.