પરિણામ જાહેર:રાજકોટ મનપા આયોજિત રંગોળી સ્પર્ધામાં વ્યક્તિગત અને કેટેગરીમાં 5-5 વિજેતા જાહેર, 75 સ્પર્ધકોને પ્રોત્સાહન પુરસ્કાર અપાશે

રાજકોટ મનપા દ્વારા આઝાદી કા અમૃત મહોત્સવ અંતર્ગત વોકલ ફોર લોકલ અનુસંધાને આર્ટિસ્ટને પ્રોત્સાહીત કરવા રેસકોર્સ ખાતે મેગા રંગોળી સ્પર્ધાનું આયોજન કરવામાં આવ્યું હતું જેનું આજે પરિણામ જાહેર રહ્યું છે. સ્પર્ધામાં બે ભાગ પાડવામાં આવ્યા છે. એક વ્યક્તિગત રંગોળી અને બીજી ગ્રુપ રંગોળી. બન્ને કેટેગરીમાં 5-5 વિજેતા જાહેર કરવામાં આવ્યા છે. વ્યક્તિગત રંગોળીમાં પ્રથમ નંબરને 21 હજાર અને ગ્રુપ રંગોળીમાં પ્રથમ નંબરને 31 હજાર રૂપિયા ઇનામ આપવામાં આવશે. આ ઉપરાંત 75 સ્પર્ધકોને પ્રોત્સાહન પુરસ્કાર અપાશે જેમાં વ્યક્તિગત કેટેગરીમાં 40 આર્ટિસ્ટને એક એક હજાર રૂપિયા અને ગ્રુપ કેટેગરીમાં કુલ 25 ગ્રુપને બબ્બે હજાર રૂપિયાનું પ્રોત્સાહન ઇનામ આપવાની જાહેર પણ મનપા દ્વારા કરવામાં આવી હતી.

જાહેર જનતાએ જ નિર્ણાયક તરીકેની મુખ્ય ભૂમિકા નિભાવી
ઉલ્લેખનીય છે કે આ રંગોળી સ્પર્ધામાં રાજકોટ ઉપરાંત અમદાવાદ, બરોડા, સુરત, વેરાવળ, ધોરાજી, જસદણ, ગોંડલ, પારડી, ધ્રોલના ચિત્રકારોએ પણ એન્ટ્રી મેળવીને થીમ આધારિત, શાનદાર અને કલાત્મક રંગોળીનું પ્રદર્શન કરેલ હતું.અને જાહેર જનતાએ જ નિર્ણાયક તરીકેની મુખ્ય ભૂમિકા નિભાવી હતી. આ માટે જાહેર જનતાએ તા.03/11/2021ના સાંજના 04:00 વાગ્યાથી તા.05/11/2021ના રોજ રાત્રે 12:00 વાગ્યા સુધી ઓનલાઈન વોટિંગ કર્યું હતું.

રંગોળી બનાવવા માટે ત્રણ થીમ આપવામાં આવી હતી
1. આઝાદીનો અમૃત મહોત્સવ- મેરે સાપનો કા ભારત
2. સ્વચ્છ ભારત મિશન- એક જનઆંદોલન
3. વેક્સિનેશન મહાભિયાન- જન સમુદાયનું સુરક્ષા કવચ

વિજેતા કૃતિઓ માટેનાં પુરસ્કાર

વ્યક્તિગત કેટેગરીના વિજેતાઓના નામ

ગ્રુપ કેટેગરીના વિજેતાઓના નામ

વ્યક્તિગત કેટેગરીના પ્રોત્સાહન પુરસ્કાર મેળવનાર વિજેતાઓ

ગ્રુપ કેટેગરીના પ્રોત્સાહન પુરસ્કાર મેળવનાર વિજેતાઓ