રાજકોટ કોંગ્રેસમાં કકળાટ:પ્રદેશ કોંગ્રેસે માગ નહીં સંતોષતા 90થી વધુ પાટીદાર નેતા બેઠકમાં ગેરહાજર, પોસ્ટરમાં પણ બાદબાકીનો આક્ષેપ

રાજકોટ2 મહિનો પહેલા
  • કૉપી લિંક
કોંગ્રેસના આગેવાનો વચ્ચે બેઠકમાંથી કોંગ્રસના પાટીદાર નેતાઓ ગાયબ - Divya Bhaskar
કોંગ્રેસના આગેવાનો વચ્ચે બેઠકમાંથી કોંગ્રસના પાટીદાર નેતાઓ ગાયબ
  • પક્ષમાં પ્રભુત્વ આપવાની માંગ આજે પણ યથાવત છતાં પ્રદેશ કોંગ્રેસ મૌન
  • 2 મહિના પહેલા પણ કોંગી નેતા અને પાટીદાર આગેવાન મિતુલ દોંગાએ આંદોલનની ચીમકી આપી હતી

રાજકોટ કોંગ્રેસમાં છેલ્લા 2 મહિનાથી પાટીદારો સાથે અન્યાય થતો હોય તેવી વાત સામે આવી હતી. જેની અસર આજની કારોબારી બેઠકમાં વર્તાઈ રહી છે. શહેરના હેમુગઢવી હોલ ખાતે મળેલી બેઠકમાં 90થી વધુ પાટીદારો ગેરહાજર રહ્યા છે. પાટીદારોની એક જ માંગ છે કે તેમને પક્ષમાં પ્રભુત્વ આપવામાં આવે, આ મુદ્દે અગાઉ પણ પાટીદારો પ્રદેશ કક્ષાએ રજુઆત કરી ચૂક્યા છે. છતાં પણ કોઈ નિરાકરણ ન આવતા આજે પાટીદારો ગેરહાજર રહ્યા હતા. જેમાં ક્યાંકને ક્યાંક હાર્દિકે આપેલ રાજીનામું પણ કારણભૂત હોવાની ચર્ચા થઈ રહી છે.

આજે કોંગ્રેસના દિગ્ગ્જ નેતાઓ ઉપસ્થિત રહ્યા, છતાં પાટીદારો ગેરહાજર
આજે કોંગ્રેસના દિગ્ગ્જ નેતાઓ ઉપસ્થિત રહ્યા, છતાં પાટીદારો ગેરહાજર

પોસ્ટરમાંથી પણ બાદબાકી કર્યાનો આક્ષેપ
કોંગ્રેસની પાટીદાર વિરોધી નીતિ હોવાનો આક્ષેપ કરવામાં આવી રહ્યો છે. જેમાં રાજકોટ શહેર અને જિલ્લામાં તાજેતરમાં કરવામાં આવેલ પ્રમુખ હોદેદારોની નિમણુંકમાં પાટીદારોની અવગણના કરવામાં આવી હોવાનો આક્ષેપ કરવામાં આવ્યો છે. આજે સૌરાષ્ટ્ર ઝોનની બેઠકમાં ઠેર ઠેર બેનરો અને પોસ્ટરો લગાવવામાં આવ્યા પણ તેમાં કોઈ પાટીદાર નેતાને સ્થાન આપવામાં નથી આવ્યું.

પોસ્ટરમાં પણ પાટીદાર નેતાને સ્થાન આપવામાં નથી આવ્યું
પોસ્ટરમાં પણ પાટીદાર નેતાને સ્થાન આપવામાં નથી આવ્યું

મિતુલ દોંગાએ આંદોલન કરવાની ચીમકી પણ આપી
2 મહિના પૂર્વે પ્રદેશ કોંગ્રેસે રાજકોટમાં શહેર પ્રમુખ તરીકે આર્કિટેક્ટ અને હાલ પ્રમુખ પ્રદિપ ત્રિવેદીની અને જિલ્લામાં અર્જૂન ખાટરિયાની નિયુક્તિ કરાઈ કરી હતી. એ સમયે પણ રાજકોટ શહેર જિલ્લામાં પાટીદારને પ્રમુખ પદ નહી સોંપાતા પાટીદારોમાં રોષની લાગણી છવાઇ હતી. અને કોંગ્રેસ અગ્રણી તથા પાટીદાર આગેવાન મિતુલ દોંગાએ તો પક્ષમાંથી રાજીનામુ આપીને આંદોલન કરવાની ચીમકી પણ આપી હતી

ખોડલધામના પૂર્વ ટ્રસ્ટી અને કોંગી નેતા મિતુલ દોંગાની ફાઈલ તસવીર
ખોડલધામના પૂર્વ ટ્રસ્ટી અને કોંગી નેતા મિતુલ દોંગાની ફાઈલ તસવીર

આ આગેવાનો ગેરહાજર રહ્યા

  • વિશાલ દોંગા ( પૂર્વ ઉમેદવાર, કોર્પોરેશન )
  • મનસુખભાઈ વેકરીયા ( પૂર્વ ઉમેદવાર, કોર્પોરેશન )
  • મિતુલ દોંગા ( ખોડલધામના પૂર્વ ટ્રસ્ટી, ​​​​પૂર્વ વિધાનસભા ઉમેદવાર, પૂર્વ પ્રદેશ મહામંત્રી )
  • મનસુખ કાલરીયા ( પૂર્વ મંત્રી, પૂર્વ કોર્પોરેટર )
  • સંજય અજુડિયા ( પૂર્વ કોર્પોરેટર )
  • પરેશ હરસોડા ( પૂર્વ કોર્પોરેટર )
  • અભિષેક ત્રાડા ( પૂર્વ ઉમેદવાર કોર્પોરેશન )
  • દીપક ઘવા ( વોર્ડ પ્રમુખ )
  • અલ્પેશ ટોપીયા ( વોર્ડ પ્રમુખ )
  • ઠાકરશી ગજેરા ( પૂર્વ કોર્પોરેટર )
  • વલ્લભભાઈ પરસાણા ( પૂર્વ કોર્પોરેટર )
  • જગદિશભાઈ સખીયા ( વોર્ડ પ્રમુખ)
  • કેતન ત્રાડા ( વોર્ડ પ્રમુખ )
  • તુષાર નંદાણી ( શહેર કોંગ્રેસ અગ્રણી )
  • દીપ ભંડેરી ( મહામંત્રી, યુથ કોંગ્રેસ, રાજકોટ જિલ્લા )
  • દિનેશ પટોળિયા ( વોર્ડ પ્રમુખ )
  • મીત બાવળિયા ( મહામંત્રી, NSUI )
અન્ય સમાચારો પણ છે...