ટેક્નોલોજી:પીપીઈ કિટ હવે એરપ્રૂફ બનશે, રાજકોટની કંપનીએ મશીન બનાવ્યું, એક મિનિટમાં એક કિટ સીમ સીલિંગ થશે

આખા દેશમાં હોટ એર સીમ સીલિંગ મશીનની અછત છે. આ મશીન માટે ભારત દેશે ચાઈના અને કોરિયા પર આધારિત રહેવું પડતું હતું. ત્યારે રાજકોટની મેક પાવર સીએનસી નામની કંપનીએ હોટ એર સીમ સીલિંગ મશીન બનાવ્યું છે. જે ચાઈના અને કોરિયામાં બનતા મશીન કરતા અડધી જ કિંમતે બનાવી નાખ્યું છે. બીજા દેશમાં બનતા મશીનની કિંમત 8 લાખ છે. જ્યારે રાજકોટની કંપનીએ બનાવેલા મશીનની કિંમત 4 લાખ છે. આ મશીનની મદદથી એક મિનિટમાં એક પીપીઈ કિટ સીમ સીલ થઈ જશે. આ મશીનની મદદથી  પીપીઈ કિટ સીમ સીલ થયા પછી તે સંપૂર્ણ પણે એરપ્રૂફ બનશે. આ મશીન બનાવવા માટે ઈન્ડિયન મેડિકલ એસો.નો સહયોગ મળ્યો છે. તેમ મેક પાવર સીએનસી મશીન કંપનીના સીએમડી રૂપેશ શાહે જણાવ્યું હતું. પીપીઈ કિટ પર સીલ લાગવાથી હવે સંપૂર્ણ પણે તે સુરક્ષિત હોવાનું આઈએમએના સેક્રેટરી ડો. તેજસ કરમટાઅે જણાવ્યું હતું.