તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

ચુસ્ત બંદોબસ્ત:રાજકોટમાં હોળી-ધૂળેટી પર્વ પર પોલીસની કવાયત, 600 પોલીસ જવાનો શહેરમાં સતત કરશે પેટ્રોલિંગ, ડ્રોન કેમેરા મદદથી રખાશે બાજ નજર

રાજકોટ3 મહિનો પહેલા
રાજકોટ પોલીસ કમિશનર મનોજ અગ્રવાલ
  • કોરોનાનું સંક્રમણ અટકાવવા માટે જવાનો તૈનાત રહેશે

આજે સમગ્ર શહેરમાં હોલિકા દહન કરી તહેવાર ઉજવવામાં આવનાર છે જ્યારે આવતીકાલે સોમવારના રોજ ધુળેટી પર્વ છે પરંતુ આ વર્ષે કોરોના સંક્રમણ ન વધે તેને ધ્યાનમાં રાખી ધુળેટી પર્વની ઉજવણી પર સરકારે પ્રતિબંધ લગાવ્યો છે. સાથે આજે હોલીકા દહનની વિધિ મર્યાદિત લોકોની સંખ્યામાં ઉજવવાની રહેશે જે માટે પોલીસ કમિશનર દ્વારા જાહેરનામું પ્રસિધ્ધ કરવામાં આવ્યું છે.

રાત્રે 12 વાગ્યા સુધી પોલીસનો ચુસ્ત બંદોબસ્ત
આજે હોલિકા દહન અને આવતીકાલ ધુળેટી પર્વને લઇ પોલીસ કમિશનરના જાહેરનામાની ચોક્કસ અમલવારી થાય માટે સમગ્ર શહેરમાં 600 જેટલા પોલીસ જવાનો સતત સુરક્ષા બંદોબસ્તમાં ખડેપગે રહેશે. હાલ રાજકોટ શહેરમાં રાત્રી કરફ્યુ હોવાથી હોલીકા દહનની વિધિ રાત્રી કફર્યુ સમય પૂર્વે પુર્ણ કરવાની સૂચના આપવામાં આવી છે અને આજના દિવસે રાત્રે 12 વાગ્યા સુધી પોલીસનો ચુસ્ત બંદોબસ્ત તમામ વિસ્તારમાં ગોઠવવા આયોજન કરવામાં આવેલ છે.

15 પેટ્રોલિંગ રૂટ નકકી કરાયા છે
15 પેટ્રોલિંગ રૂટ નકકી કરાયા છે

30 ફીકસ પોઇન્ટ પર પોલીસ જવાનો ખડેપગે રહેશે
આવતીકાલ ધુળેટીનો પર્વ હોવાથી સવારે 8 વાગ્યાથી જ રસ્તાઓ પર પોલીસ બંદોબસ્ત ગોઠવાઇ જશે તે માટે પોલીસના ઉચ્ચ અધિકારીઓ દ્વારા દરેક પોલીસ સ્ટેશનના અધિકારીઓ અને કર્મચારીઓને સૂચના આપવામાં આવેલ છે અને બંદોબસ્તની ફાળવણી કરવામાં આવેલ છે. હોળી-ધુળેટીના તહેવારને લઇ પોલીસે સુરક્ષા સ્કીમ બનાવી છે. જેમાં બંદોબસ્ત માટે 350 પોલીસ અધીકારી-કર્મચારીઓ, SRPની બે કંપની અને 100 થી વધુ હોમગાર્ડ જવાનો ફાળવાયા છે. ઉપરાંત 15 પેટ્રોલિંગ રૂટ નકકી કરાયા છે અને 30 ફીકસ પોઇન્ટ પર પોલીસ જવાનો ખડેપગે રહેશે.

મુખ્ય રસ્તાઓ કરતા રહેણાંક વિસ્તારોમાં સતત પેટ્રોલિંગની જરૂર પડશે
કોરોના મહામારીના આ એક વર્ષમાં અનેક તહેવારો પ્રતિબંધો સાથે ઉજવાયા ત્યારે ઉત્સાહ અને ઉલ્લાસના રંગ પર્વ એટલે કે ધુળેટીને પણ કોરોનાનું ગ્રહણ લાગ્યું છે. રંગે રમવા લોકો ઘેલા બને છે પરંતુ સરકારે રંગ ઉડાવવા પર પ્રતિબંધ મુકયો છે. મોટાપાયે થતા સામુહીક રંગોત્સવના એક પણ કાર્યક્રમને આ વર્ષે મંજૂરી આપવામાં આવી નથી જેની સામે શેરી-ગલીઓમાં આસપાસના લોકો એકઠા ન થાય તે માટે રહેણાંક વિસ્તારોમાં સતત પેટ્રોલિંગ કરવાની ખુબ જરુર પડશે.

પ્રતીકાત્મક તસ્વીર
પ્રતીકાત્મક તસ્વીર

હોળી-ધૂળેટીની ઉજવણીને લઈને સરકારની માર્ગદર્શિકા
28 માર્ચ અને 29 માર્ચના રોજ હોળી તથા ધુળેટીનો તહેવાર ઉજવાઈ રહ્યો છે. એવામાં સામાન્ય સંજોગોમાં હોળી-ધૂળેટીની ઉજવણીમાં સોસાયટી, શેરી, નાકા, જાહેર સ્થળો, ખુલ્લા મેદાનો તથા રસ્તાઓ પર મોટી સંખ્યામાં લોકોના એકઠા થવાની સંભાવના છે. એવામાં રાજ્ય સરકાર દ્વારા તહેવારની ઉજવણીને લઈને માર્ગદર્શિકા જાહેર કરાઈ છે.

હોળી દહનમાં નિયમોનું પાલન જરૂરી
નાયબ મુખ્યમંત્રી નીતિન પટેલે જણાવ્યું હતું કે, રાજ્યમાં હોળીની પૂજા વિધિ માટે પ્રગટાવી શકાશે પરંતુ જાહેર કે નાના મોટા રંગોત્સવના કાર્યક્રમોને મંજૂરી આપવામાં નહીં આવે. આ વિશે મુખ્યમંત્રી સાથેની કોર કમિટીની મીટિંગમાં નિર્ણય કરાયો હતો. ધાર્મિક ઉજવણીની હોળી દહન માટે મર્યાદિત રીતે લોકો એકત્રિત થાય તેની છૂટ આપવામાં આવી છે. પરંતુ હોળી રમવાની છૂટ આપવામાં નથી. મને વિશ્વાસ છે કે રાજ્યના નાગરિકો જાગૃત છે એટલે કોઈ પણ વ્યક્તિ કોરોનાનું સંક્રમણ ન થાય એટલે હોળી રમશે નહીં. ધાર્મિક રીતે હોળી દહનની મંજૂરી આપવામાં આવી છે. તેનું બધા પાલન કરશે.

અન્ય સમાચારો પણ છે...