વોકલ ફોર લોકલને પ્રોત્સાહન:PM મોદીના પાયલોટ પ્રોજેક્ટનો રાજકોટથી પ્રારંભ, 18થી 20 ઓગસ્ટ સુધી મેક ઈન ઇન્ડિયા શો યોજાશે, ઈમ્પોર્ટ થતી 300 વસ્તુ ડિસપ્લે કરાશે

રાજકોટ2 મહિનો પહેલા
પ્રેસ કોન્ફરન્સ દ્વારા માહિતી આપવામાં આવી.
  • મેક ઈન ઈન્ડિયા પ્લેટફોર્મ તમામ પાવર ટૂલ્સ અને એસેસરીઝના બજારના જોડાણને સરળ બનાવશે

લઘુ ઉદ્યોગ ભારતી 25 વર્ષથી વધુ સમયથી લઘુ ઉદ્યોગોને સંગઠિત કરી સમસ્યાઓનું નિરાકરણ કરવાની સંસ્થા છે. વડાપ્રધાન નરેન્દ્ર મોદીના મેક ઈન ઈન્ડિયા અને વોકલ ફોર લોકલ આહવાનને અંતર્ગત મિનિસ્ટ્રી ઓફ માઇક્રો સ્મોલ એન્ડ મિડિયમ એન્ટરપ્રાઇઝ (MSME) ગુજરાત સરકાર તથા લઘુ ઉદ્યોગ ભારતી રાજકોટ અને એન્જિનિયરિંગ એસોસિએશનના સંયુક્ત ઉપક્રમે મેક ઈન ઈન્ડિયા શોનું આયોજન 18થી 20 ઓગસ્ટ દરમિયાન રાજકોટ એન્જિનિયરિંગ એસોસિયેશન ખાતે કરવામાં આવ્યું છે. લઘુ ઉદ્યોગ ભારતીના ચેરમેન હંસરાજ ગજેરાએ જણાવ્યું હતું કે, આ શોમાં ભારતમાં ઈમ્પોર્ટ થતી એન્જિનિયરિંગ આઈટમોમાંથી ફક્ત પાવરટુલ્સ, હેન્ડટુલ્સ અને ક્લિનિંગ ટુલ્સને પસંદ કરી અંદાજે 300 વસ્તુ ડિસપ્લે કરવામાં આવશે.

ઈમ્પોર્ટ થતી વસ્તુઓથી પણ મુલાકાતીઓને વાકેફ કરાશે
વધુમાં તેઓએ જણાવ્યું હતું કે, ડિસપ્લે કરેલી વસ્તુઓ બાબતની માહિતી જેવી કે હાલની ઈમ્પોર્ટ થતી વસ્તુઓથી પણ મુલાકાતીઓને વાકેફ કરવામાં આવશે. આ એક પાયલોટ પ્રોજેકટ છે અને જો યોગ્ય અને હકારાત્મક પ્રતિસાદ મળે તો બીજી ઈમ્પોર્ટ થતી એન્જિનિયરિંગ વસ્તુઓનું પણ મોટાપાયે ડિસપ્લેનું પણ આયોજન ભવિષ્યમાં કરી શકાશે. ભારતને આત્મનિર્ભર અને સ્વતત્રં બનાવવા માટે મેક ઈન ઈન્ડિયા શો–2021નું આયોજન કરવામાં આવ્યું છે. આજે યોજાયેલી પ્રેસ કોન્ફરન્સમાં રાજકોટ એન્જિનિયરિંગ અસોસિયેશનના પ્રમુખ પરેશ વાસાણી, ઉપપ્રમુખ નરેન્દ્રભાઈ પાંચાણી, યશ રાઠોડ, ઉદ્યોગપતિ અમૃતભાઈ ગઢિયા સહિત ઉદ્યોગકારો હાજર રહ્યા હતા.

આ શોથી આત્મનિર્ભર ભારતના લક્ષ્યને પૂર્ણ કરવા માટેનું એક મંચ બનશે
મેક ઈન ઈન્ડિયા પ્લેટફોર્મ તમામ પાવર ટૂલ્સ અને એસેસરીઝના બજારના જોડાણને સરળ બનાવશે. આથી MSMEમાં ઉત્પાદકો ઉત્પાદન પર ધ્યાન કેન્દ્રિત કરશે અને તેના વેચાણ અને માર્કેટિંગની ચિંતા કરશે નહીં. આ શો ભારતીય બજાર માટે આયાતનો વિકલ્પ હશે. કારણ કે તેની આયોજનનો હેતુ ટૂલ્સ ઉદ્યોગને આત્મનિર્ભર કરવાનો છે. તેમજ સરકાર દ્વારા સ્મોલ અને મિડિયમ એન્ટરપ્રાઈઝના કાર્યક્ષમતાને મેક ઈન ઈન્ડિયા શો દ્વારા પ્રોત્સાહન આપવામાં આવી રહ્યું છે. આ શોમાં ઘણા સ્ટાર્ટઅપ પ્રોગ્રામ્સ સાથે આવશે. જેમાં ઉદ્યોગ સાહસિકો અને ઉભરતા લોકોને ટેકો આપવાના ઉદેશ સાથે દેશમાં નવીનતાને પોષવા માટે મજબૂત ઈકો–સિસ્ટમ બનાવી શકાશે. મેક ઈન ઈન્ડિયા શો આત્મનિર્ભર ભારતના લક્ષ્યને પૂર્ણ કરવા માટેનું એક મંચ છે.

લઘુ ઉદ્યોગ ભારતીના ચેરમેન હંસરાજ ગજેરા.
લઘુ ઉદ્યોગ ભારતીના ચેરમેન હંસરાજ ગજેરા.

વોકલ ફો વોકલની થીમને કેન્દ્રિત કરાશે
– MSME સેકટરની મદદથી વોક ઈન ઈન્ડિયાનું લક્ષ્ય હાંસલ કરવું
– ટેકનોલોજી આધારિત ઉત્પાદનોમાં આત્મનિર્ભરતા પ્રાપ્ત કરવી
– MSME ઉદ્યોગ વધુ સ્પર્ધાત્મક બનાવવું
– વૈશ્વિક ગુણવત્તા જાળવવા માટે સંશોધનો, નવીનતા અને રિસર્ચને લગતી પ્રવૃતિ પર વધુ ધ્યાન આપવું
– કલસ્ટર આધારિત વિકાસ માટેના સામૂહિક પ્રયાસો હાથ ધરવા
– પાવર ટૂલ્સ, હેન્ડટૂલ્સ અને ઈન્ડસ્ટ્રીયલ ક્લિનિંગ ટૂલ્સ બનાવવાની મોટી તકો.

આ શોથી ઉદ્યોગોને આ ફાયદા થશે
– વિદેશી હુંડિયામણમાં વિશાળ રકમની બચત
– પુષ્કળ નોકરી અને રોજગારની તકો
– ઈન્ફ્રાસ્ટ્રક્ચર, વીજ, ઉપકરણો, હેન્ડટૂલ્સ અને ઔદ્યોગિક સફાઈ ઉપકરણ સેગમેન્ટને સ્વનિર્વાહ બનાવી શકાશે
– નવીન ટેક્નોલોજી થકી વિકાસ પ્રાપ્ત કરવા માટે સ્ટાર્ટઅપ્સને સશકિતકરણ
– વિપરીત એન્જિનિયરિંગને વેગ આપવા માટે ભારતીય બજારનો આયાત વિકલ્પ બનાવવું
– કાચા માલની પ્રાપ્તિ, સપ્લાય ચેઇન અને સર્વિસ પ્રોવાઈડર્સ માટેના વ્યવસાયની તકો
– સાધનોની પ્રાપ્તિની ઓછી કિંમત સાથે માળખાકીય સુવિધાઓ અને બાંધકામ ઉદ્યોગને લાભ આપવો
– ટેક્નોલોજીકલ સ્તરે આત્મનિર્ભર બની શકાશે
– ઓછા ખર્ચવાળા સાધનો દ્વારા ઈન્ફ્રાસ્ટ્રક્ચર અને બાંધકામ ઉદ્યોગને લાભ થશે

અન્ય સમાચારો પણ છે...