મગફળીનું વેચાણ:યાર્ડમાં 20 હજાર ગુણી મગફળી વેચાઈ

મંગળવારે યાર્ડમાં મગફળીની નવી આવક સ્વીકારવામાં આવી હતી. 3 કલાકમાં 90 હજાર ગુણીની આવક થઈ હતી. સામાન્ય રીતે છેલ્લા કેટલાક સમયથી 1 લાખથી 1.50 લાખ ગુણી મગફળીની આવક થાય છે, પરંતુ 2 મહિના પછી પહેલીવાર મગફળીની આવક ઓછી થઈ હતી. બુધવારે 20 હજાર ગુણી મગફળી વેચાઈ હતી.

અને ભાવ રૂપિયા 900થી લઈને 1080 સુધી બોલાયા હતા. જોકે વેપારીઓના જણાવ્યાનુસાર મગફળીની આવક જાન્યુઆરી પછી પૂરી થશે. હાલમાં ખેડૂતો પાસે હજુ ઘણો માલ પડ્યો છે એટલે આવકનું પ્રેશર તાત્કાલિક ઓછું થાય તેમ નથી. છેલ્લા કેટલાક દિવસથી ઠંડીમાં વધારો થઈ રહ્યો છે ત્યારે ઠંડીને કારણે આવક ઓછી થઈ હોવાનો અંદાજ છે. યાર્ડમાં બધી મગફળી સમાય જાય એ માટે કુલ 4 જગ્યાએ મગફળી ઉતારવાની વ્યવસ્થા કરવામાં આવી હતી. ભાવમાં કોઈ વધઘટ જોવા મળી નહોતી.