ભાસ્કર વિશેષ:રાજકોટ ડિવિઝનમાં જૂન માસથી ઈલેક્ટ્રિક એન્જિનથી ચાલતી ટ્રેન શરૂ થવાની સંભાવના, પીસીઇઇ નિરીક્ષણ કરાયું

રાજકોટ20 દિવસ પહેલા
  • કૉપી લિંક
પ્રતીકાત્મક તસ્વીર - Divya Bhaskar
પ્રતીકાત્મક તસ્વીર
  • તમામ ટ્રેનની ઝડપમાં વધારો થશે, ટેક્નિકલ પાસાઓ-સલામતીની સુધારણા પર વધુ ભાર મુકાયો

રાજકોટથી રેલવે માર્ગે મુસાફરી કરતા મુસાફરોને જૂન મહિનાથી ઓછા સમયમાં વધુ સારી અને ઝડપી મુસાફરી કરી શકશે. રાજકોટ ડિવિઝનમાં ઈલેક્ટ્રિક એન્જિનથી ચાલતી ટ્રેન જૂન મહિનાથી શરૂ થવાની સંભાવના છે. આ અંગેનું પીસીઈઈ નિરીક્ષણ પૂરું કરવામાં આવ્યું છે. આ પ્રોજેક્ટથી નવીનતમ ગ્રીન પહેલ તરીકે શરૂ થશે અને ગ્રીન ઈન્ડિયાના મિશનને વેગ મળશે.

ભારતીય રેલવેના 100 ટકા વિદ્યુતીકરણને ચાલુ રાખીને સેન્ટ્રલ ઓર્ગેનાઈઝેશન ફોર રેલવે ઈલેક્ટ્રિફિકેશન હેઠળ અમદાવાદ યુનિટના રેલવે ઈલેક્ટ્રિફિકેશન વિભાગે રાજકોટ ડિવિઝનના વાગડિયા, માળિયા સહિત દહીંસરા, નવલખી સેક્શન શરૂ કરીને વધુ એક સિદ્ધિ મેળવી છે. રેલવે ઈલેક્ટ્રિફિકેશન અમદાવાદના મુખ્ય પ્રોજેક્ટના ડાયરેક્ટર હેઠળ ગુડ્ઝ અને પેસેન્જર ટ્રેન શરૂ કરવા માટે ફરજિયાત ઈન્સ્પેક્શન કરવામાં આવ્યું હતું.

સેક્શન ઓફર શરૂ કરતા પહેલા ઈલેક્ટ્રિક લોકો ટ્રાયલ કરવામાં આવી હતી. રાજકોટ ડિવિઝનના વાંકાનેર ઓએચઈ ડેપો અને ટાવર વેગન સાઈડિંગ સાથે વાગડિયા, માળિયામિયાણા સહિત દહીંસરા, નવલખી સેક્શનના વિભાગીય લંબાઇ વાળા 156 આરકેએમ અને 216 ટીકેએમ વિભાગનું નિરીક્ષણ કર્યુ હતું અને ટેક્નિકલ પાસાઓ અને સિસ્ટમની સલામતી સુધારા માટે માર્ગદર્શન આપ્યું હતું.ઈલેક્ટ્રિક ટ્રેક્શન કનેક્ટિવિટીની દૃષ્ટિએ દ્વારકા અને ઓખાના મુસાફરો માટે મહત્ત્વનો રેલ માર્ગ છે.

આથી દ્વારકા સુધી ચાલતી ટ્રેનની સરેરાશ ગતિમાં વધારો થશે. હાલ રાજકોટ-વાંકાનેરનું વિદ્યુતીકરણ પુરજોશમાં ચાલી રહ્યું છે. ટૂંક સમયમાં નિરીક્ષણ કરવામાં આવશે. આ ઈલેક્ટ્રિફાઈડ સેકશન ઈલેક્ટ્રિક ટ્રેક્શન સાથે ઝડપી ટ્રેનની સુવિધા મળશે. જે ભારતીય રેલવે પર નવીનતમ ગ્રીન પહેલ તરીકે ગ્રીન ઈન્ડિયાના મિશનને પણ વેગ આપશે.

ઈલેક્ટ્રિક એન્જિનથી આ ફાયદાઓ થશે

  • ટ્રેનની ઝડપ વધશે અને ઓછા સમયમાં વધુ મુસાફરી કરી શકાશે
  • એન્જિન બદલવાનો સમય બચી જશે, ઈંધણ બચશે
  • ઈંધણ બચવાથી પ્રદૂષણમાં પણ ઘટાડો થશે
  • રેલવેને ઈંધણ માટે જે બજેટ ફાળવવું પડે છે તે પણ ઘટી જશે
અન્ય સમાચારો પણ છે...