તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

કાર્યવાહી:રાજકોટમાં મનપાના ફૂડ વિભાગ દ્વારા ‘પેથોજેનિક બેક્ટરિયોલોજિકલ ટેસ્ટિંગ' શરુ, 20 દુકાનો પર ચેકિંગ કરી 14 કિલો વાસી ખોરાકનો નાશ કર્યો

રાજકોટએક મહિનો પહેલા
  • પાણીપૂરી અને મસાલાના નમૂના ખાસ આઇસ બોક્સમાં રાખીને વડોદરાની લેબમાં મોકલાઈ રહ્યા છે

ગુજરાતમાં કોરોનાના કેસો ઘટતાં જ સ્વાદરસિકો તેમની ફેવરિટ પાણીપૂરી પર તૂટી પડ્યા છે. ખાસ કરીને મોટાં શહેરોમાં ખુમચાની રોડ પરની પાણીપૂરી ખાવા તો લાઈનો લાગી રહી હતી. આ સમયે રાજકોટમાં ખોરાક અને ઔષધ નિયમન તંત્ર દ્વારા પાણીપૂરીની લારી, ખુમચા અને દુકાનોમાં ખાસ 'પેથોજેનિક બેક્ટરિયોલોજિકલ ટેસ્ટિંગ’ કરવામાં આવી રહ્યું છે. એટલું જ નહીં, પાણીપૂરી અને મસાલાના નમૂના ખાસ આઇસ બોક્સમાં રાખીને વડોદરાની લેબમાં મોકલાઈ રહ્યા છે. જ્યાં રાજકોટની 20 દુકાનો પર ચેકિંગ કરતા બિનઆરોગ્યપ્રદ ખાદ્યચીજ મળી આવતા કુલ 14 કિલો ખાદ્યચીજનો સ્થળ પર નાશ કરાયો છે.

આ સ્થળો પર ચકાસણી કરવામાં આવી હતી

1 ) નારાયણ દિલ્હી ચાટવાલા, દુકાન નં.7, ક્રેડીટ કોર્નર, મોરી હોસ્પિટલની સામે, 25,ન્યુ જાગનાથ

  • પાણીપુરી માટેનું ફુદીનાનું પાણી (લૂઝ), ખજુરની ચટણી (પ્રિપેર્ડ, લુઝ), પાણીપુરીનો બટેટાનો મસાલો (પ્રિપેર્ડ,લુઝ)

2 ) જય જલારામ પાણીપુરી, શ્રધ્ધા સોસાયટી, ડી માર્ટ પાછળ, પુરુષાર્થ રોડ

  • પાણીપુરીનું આદુ-ફુદીનાવાળુ પાણી (પ્રિપેર્ડ,લુઝ), પાણીપુરીનો માવો (પ્રિપેર્ડ, લુઝ), લાલ મરચીની ચટણી (પ્રિપેર્ડ,લુઝ),

3 ) શ્રીજી પાણીપુરી, હરિધવા રોડ, નવનીત હોલની સામે

  • પાણીપુરી માટેનું ફુદીનાનું પાણી (લૂઝ), પાણીપુરીનો બટેટાનો મસાલો (પ્રિપેર્ડ,લુઝ)

4 ) પટેલ ભેળ & પાણીપુરી, પટેલ ચોક સામે, નહેરૂનગર ૮૦' રોડ, હરિધવા રોડ

  • પાણીપુરીની લાલ ચટણી (લુઝ)

નાશ કર્યાની વિગત
રાજકોટ શહેરની જાહેર જનતાને આરોગ્યપ્રદ અને હાઇજીન ખાદ્યચીજ મળી રહે તે હેતુથી ફુડ વિભાગની ટીમ દ્વારા મહાનગરપાલિકા વિસ્તારમાં આવેલ હોકર્સ ઝોનમાં રાત્રી રાઉન્ડના ચેંકીગ દરમ્યાન 20 રેંકડીમાં ચકાસણી કરવામાં આવેલ, ચકાસણી દરમ્યાન 5 ફુડ બિઝનેસ ઓપરેટરને ત્યાં વાસી અને બિનઆરોગ્યપ્રદ ખાદ્યચીજ મળી આવતા કુલ 14 કિ.ગ્રા.ખાદ્યચીજનો સ્થળ પર નાશ કરવામાં આવેલ

1 ) ટર્નીંગ પોઇન્ટ ચાઇનીઝ - 1 પેકેટ તથા 1 બોટલ સીન્થેટીક કલરનો નાશ
2 ) આઝાદ ગોલા - 1 કિ.ગ્રા. બિનઆરોગ્યપ્રદ બરફનો નાશ
3 ) જય માતાજી દાળપકવાન - ટોમેટો સોસ 2 કિ.ગ્રાનો નાશ
4 ) ગોકુળ ગાંઠીયા - ચટણી 5 કિ.ગ્રા.નો નાશ
5 ) જલારામ ગાંઠીયા - જલેબી, ચીપ્સ, 5 કિ.ગ્રા.નો નાશ

ખાસ ફ્રીઝરમાં નમૂનાઓ વડોદરા મોકલાઈ રહ્યા છે
રાજકોટમાં સૌપ્રથમ વખત પેથોજેનિક ટેસ્ટિંગ કરવામાં આવ્યું છે, જે અંતર્ગત દુકાનદાર કે પાણીપૂરી બનાવતા કારીગરો જો પોતે સ્વસ્થ, સ્વચ્છ ન હોય અને ગંદા હાથે કે ગંદી વ્યવસ્થાને કારણે પાણીપૂરી બિનઆરોગ્યપ્રદ બનતી હોય તો એનું પણ પરીક્ષણ થઇ જશે. નમૂનાઓ લઇને એ જ દિવસે વડોદરા લેબોરેટરીએ પહોંચે એવી વ્યવસ્થા કરવામાં આવી છે. ખાસ ફ્રીઝર જેવા આઇસ બોકસમાં આ સેમ્પલ સાચવીને રવાના કરવામાં આવી રહ્યા છે.

અન્ય સમાચારો પણ છે...