• Gujarati News
  • Local
  • Gujarat
  • Rajkot
  • Opinion Given By 12.75% Students In The Assessment Of NEC: Saurashtra University Is The First University In Gujarat To Enter The Fourth Cycle.

ગૌરવ:નેકના મૂલ્યાંકનમાં 12.75% વિદ્યાર્થીઓએ આપ્યા અભિપ્રાયઃ ચોથી સાઇકલમાં પ્રવેશ કરનારી સૌરાષ્ટ્ર યુનિવર્સિટી ગુજરાતની પ્રથમ યુનિવર્સિટી

રાજકોટ2 વર્ષ પહેલા
  • કૉપી લિંક
ફાઇલ તસવીર - Divya Bhaskar
ફાઇલ તસવીર

સૌરાષ્ટ્ર યુનિવર્સિટીના નેકના મૂલ્યાંકન કરાવવાની પ્રક્રિયા હાલ ચાલી રહી છે અને યુનિવર્સિટીએ એસએસઆર(સેલ સ્ટડી રિપોર્ટ) નેકમાં જમા કરાવ્યા બાદ અત્યાર સુધીમાં નેકની ટીમે 12.75 ટકા વિદ્યાર્થીઓના અભિપ્રાય લઇ લીધા છે. પીવીસી ડો.વિજય દેશાણીએ માહિતી આપતા જણાવ્યું હતું કે, હાલમાં નેકના મૂલ્યાંકનની તૈયારી ચાલી રહી છે અને તેના એસએસઆરમાં અલગ-અલગ ભવનોમાં અભ્યાસ કરતા વિદ્યાર્થીઓના નામ, એનરોલમેન્ટ નંબર, જેન્ડર,  ઇ-મેલ એડ્રેસ, મોબાઇલ નંબર સહિતની ડિટેઇલ આપવામાં આવી હતી.જેમાંથી નેકના નિયમાનુસાર 10 ટકા વિદ્યાર્થી અથવા 500 બેમાંથી જે ઓછા હોય તેના અભિપ્રાય લેવાના હોય છે જે મુજબ સૌરાષ્ટ્ર યુનિવર્સિટીના અત્યાર સુધીમાં 12.75 ટકા વિદ્યાર્થીઓના અભિપ્રાય નેકએ લઇ લીધા છે. 

નેકમાં એસએસઆર જમા કરાવ્યા બાદ અમુક ક્વેરીના જસ્ટિફિકેશનની કામગીરી પણ પૂરી થઇ ગઇ છે અને સંભવત: સપ્ટેમ્બરમાં નેકની ટીમ રાજકોટ સૌરાષ્ટ્ર યુનિવર્સિટીની મુલાકાતે આવે તેવી સંભાવના છે. આ કામગીરી હાલમાં કુલપતિ ડો.નીતિન પેથાણીના માર્ગદર્શન હેઠળ આઇક્યુએસીની તેની ટીમ કરી રહી છે.

અન્ય સમાચારો પણ છે...