તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

નિર્ણય:સ્કૂલ ઓફ એક્સલન્સ હેઠળ દરેક તાલુકામાં એક શાળા થશે કાર્યરત

રાજકોટએક મહિનો પહેલા
  • કૉપી લિંક
પ્રતીકાત્મક તસ્વીર - Divya Bhaskar
પ્રતીકાત્મક તસ્વીર
  • રાજકોટ જિલ્લામાં કુલ 11 શાળા 5 સપ્ટેમ્બરથી થશે શરૂ
  • ખાનગી સ્કૂલ જેવી સુવિધા સરકારી પ્રાથમિક શાળામાં મળશે

સરકારી શાળામાં અભ્યાસ કરતા વિદ્યાર્થીઓને ગુણવત્તાયુક્ત શાળાકીય શિક્ષણ આપવાના ઉદ્દેશથી સ્કૂલ ઓફ એક્સલન્સની શરૂઆત કરી છે. ત્યારે રાજકોટ જિલ્લામાં સ્કૂલ ઓફ એક્સલન્સ હેઠળ દરેક તાલુકામાં એક શાળા કાર્યરત થશે. 5 સપ્ટેમ્બરથી પ્રથમ તબક્કામાં કુલ 11 શાળા શરૂ થશે.

શિક્ષણ વિભાગે મિશન સ્કૂલ ઓફ એક્સલન્સની શરૂઆત કરી છે. આ પ્રોજેક્ટમાં શ્રેષ્ઠ શિક્ષણ પદ્ધતિ, ઉચ્ચ અધ્યાપન સામગ્રી અને વૈકલ્પિક શૈક્ષણિક માધ્યમ, જે ખાનગી સ્કૂલમાં હોય એવી સુવિધા આ નિવાસી સ્કૂલના તેજસ્વી વિદ્યાર્થીઓને કારકિર્દીના ઘડતરમાં મદદરૂપે વિનામૂલ્યે પૂરી પડાશે.

રાજ્ય સરકાર દ્વારા દર વર્ષે આ પ્રોજેક્ટ હેઠળ એક લાખ વિદ્યાર્થી તૈયાર કરાશે. ત્યારે રાજકોટ જિલ્લામાં પણ આ માટે તૈયારી શરૂ થઈ ગઈ છે અને 5 સપ્ટેમ્બરથી આ શાળાઓ કાર્યરત પણ થઈ જશે. જિલ્લા પ્રાથમિક શિક્ષણાધિકારી ડો. ડી.આર. સરડવાના જણાવ્યા મુજબ પ્રથમ તબક્કામાં જિલ્લાના દરેક તાલુકામાંથી એક સ્કૂલ એટલે કે 11 શાળા શરૂ કરવામાં આવશે.

જેથી આ શાળામાં ધોરણ 1થી 8ના વિદ્યાર્થીઓને તેનો લાભ મળશે. જોકે શરૂઆતના તબક્કામાં શિક્ષકો હજુ એના એજ રહેશે, પરંતુ બાદમાં તમામ વિષયોના શ્રેષ્ઠ શિક્ષકો પણ આ શાળામાં નિયુક્ત કરાશે. મહત્ત્વનું છે કે, જે શાળામાં વિદ્યાર્થીઓની સંખ્યા વધુ અને વ્યવસ્થા ઉત્તમ હશે તે સ્કૂલને આ મિશનમાં આવરી લેવાશે. રાજ્ય સરકારે સરકારી શાળાઓમાં અભ્યાસ કરતા બાળકોને સારી સુવિધાની સાથે ગુણવત્તાયુક્ત શિક્ષણ આપવા નવો પ્રયોગ કરી રહી છે. જેના ભાગરૂપે રાજકોટ જિલ્લામાં 11 શાળા શરૂ થશે.

અન્ય સમાચારો પણ છે...