નર્સિંગ ડે:રાજકોટ સિવિલ હોસ્પિટલમાં નર્સિંગ સ્ટાફે મીણબત્તી સળગાવી નર્સિંગ ડેની ઉજવણી કરી, શપથ લીધા

આજે નર્સિંગ ડે છે. ત્યારે રાજકોટ સિવિલ હોસ્પિટલમાં નર્સિંગ સ્ટાફ દ્વારા આજે નર્સિંગ સ્ટાફની ઉજવણી કરવામાં આવી હતી. પીડીયુ નર્સિંગ કોલેજ ખાતે ઉજવણી કરવામાં આવી હતી. 60 નર્સ એકત્ર થઇ મીણબત્તી સળગાવી ઉજવણી કરી હતી. તેમજ ફરજ અંગેના શપથ લીધા હતા. રાજકોટ સિવિલ હોસ્પિટલમાં 500થી વધુ નર્સિંગ સ્ટાફ ફરજ બજાવે છે.  હાલ કોરોના વાઇરસની મહામારીમાં નર્સિંગ સ્ટાફ સાચા રાષ્ટ્રરક્ષક બન્યો છે. પોતાની ચિંતા છોડી કોરોના પોઝિટિવ દર્દીની સેવામાં નર્સિંગ સ્ટાફ ખડેપગે તૈનાત છે.