તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

કોરોના રાજકોટ LIVE:રાજકોટમાં 24 કલાકમાં 1 દર્દીનું મોત, બપોર સુધીમાં 9 કેસ નોંધાયા, પગાર ન મળતા સિવિલ એટેન્ડન્ટ એકઠા થઇ વિરોધ કર્યો

રાજકોટ3 મહિનો પહેલા
  • કૉપી લિંક
ફાઇલ તસવીર. - Divya Bhaskar
ફાઇલ તસવીર.
  • ગઇકાલે 15 દર્દી કોરોનામુક્ત થતા ડિસ્ચાર્જ કરવામાં આવ્યા હતા

રાજકોટમાં આજે બપોર સુધીમાં 9 કેસ નોંધાયા છે. આથી કુલ કેસની સંખ્યા 42543 પર પહોંચી છે. તેમજ અલગ અલગ હોસ્પિટલમાં 695 દર્દી સારવાર હેઠળ છે. ગઇકાલે 15 દર્દી કોરોનામુક્ત થતા ડિસ્ચાર્જ કરવામાં આવ્યા હતા. પગાર બાબતે સિવિલ હોસ્પિટલના એટેન્ડન્ટ ફરી મેદાને આવ્યા છે. એજન્સી મુદ્દે રજૂઆત કરતા ફોન પણ બંધ કરી નાખે છે. પુરતો અને સમયે પગાર ન મળતા એટેન્ડન્ટ એકઠા થયા છે. એક મહિનાથી પગાર ન ચૂકવ્યો હોવાનું એટેન્ડન્ટ જણાવી રહ્યાં છે.

આરોગ્ય વિભાગના દરોડા
જાહેર જનતાના આરોગ્ય હિતાર્થે ફુડ શાખા દ્વારા ખાદ્યચીજના કુલ 5 નમૂના લેવામાં આવ્યા હતા. જેમાં રમેશકુમાર એન્ડ કંપનીમાંથી જેપીપીએલ ગોલ્ડ તુવેર દાળ, ડિ.કે, એન્ટરપ્રાઇઝમાંથી આઇસક્રિમ ચોકોબાર, મહાવીર આઇસ્ક્રિમમાંથી હેવમોર આઇસ્ક્રિમ અને ભગવતકૃપા પ્રોવિઝન સ્ટોરમાંછી તુવેરદાળના નમૂના લેવામાં આવ્યા હતા.

રાજકોટ શહેર અને જિલ્લામાં 9 લાખથી વધુ લોકોએ વેક્સિન લીધી
રાજકોટમાં મહાનગરપાલિકા વિસ્તાર તેમજ રાજકોટ જિલ્લામાં 11 તાલુકાઓના 12 ઘટક હેલ્થ સેન્ટર ખાતે આજ સુધીમાં રાજકોટ જિલ્લા તેમજ શહેરના પ્રથમ અને બિજો ડોઝ મળીને કુલ 9,80,260 ડોઝ સાથે લોકોનુ રસીકરણ કરવામાં આવ્યું છે.જેમાં શહેરમાં 45 વર્ષથી ઉપરના 1,99,300 લોકોને પ્રથમ તેમજ 97,013 લોકોને બીજો ડોઝ મળી કુલ 2,96,313 તેમજ 18 વર્ષથી ઉપરના 3,36,703 ને પ્રથમ જયારે 10,975 લોકોને બીજો ડોઝ સહીત કુલ મળી 3,47,678 લોકોને રસીકરણ કરવામાં આવ્યું છે. જયારે રાજકોટ જિલ્લામાં 45 વર્ષથી ઉપરના 1,89,075 લોકોને પ્રથમ તેમજ 89,828 લોકોને બીજો ડોઝ મળી કુલ 2,72,903 લોકોને તેમજ 18 વર્ષથી ઉપરના 36,365 લોકોને પ્રથમ જયારે 1 વ્યક્તિને બીજો ડોઝ સાથે કુલ મળી 63,366 લોકોને અત્યાર સુધીમાં રસીકરણ કરવામાં આવ્યું હોવાનું વિભાગીય નિયામક ડો. રુપાલીબેન મહેતાએ જણાવ્યું છે.

પહેલી લહેરમાં સિવિલમાં 125 બાળક દાખલ થયા હતા
સિવિલની કે.ટી. ચિલ્ડ્રન હોસ્પિટલમાં પહેલી લહેર દરમિયાન 125 જ્યારે બીજી લહેરમાં 74 દર્દી દાખલ થયા હતા. તબીબો જણાવે છે કે, પહેલી લહેર વખતે કોઇને કશું ખ્યાલ હતો નહિ એટલે બધા જ બાળકોને હોસ્પિટલમાં દાખલ કરવામાં આવે તેવો આગ્રહ લોકો રાખતા હતા. પૂરતી જગ્યા હતી એટલે તબીબોએ પણ તે મુજબ દર્દીઓને દાખલ રાખ્યા હતા. ધીરે ધીરે રોગ અને સારવાર વિશે માહિતી મળતા સામાન્ય લક્ષણો હોય તેમને હોમ આઈસોલેશનની સલાહ અપાઈ હતી.

બીજી વેવમાં 74 બાળક એડમિટ અને 400 હોમ આઈસોલેટ હતા
બીજી લહેર દરમિયાન ઓપીડીમાં 500થી વધુ બાળકો આવ્યા હતા જેમાંથી 400થી વધુ બાળકોમાં સામાન્ય લક્ષણો જ હોવાથી તેમને હોમ આઈસોલેશનમાં રાખવા સલાહ આપી હતી અને લોકોએ પણ ઘરે જ સારવાર કરવા ઈચ્છા દર્શાવી હતી. જે બાળકો ગંભીર લાગ્યા તેમની સારવાર કરવા દાખલ કરાયા હતા જેની સંખ્યા 74 હતી. આ 74માંથી 5 વેન્ટિલેટર, 6 HFNC, 6ને ઓક્સિજન માસ્ક તેમજ 9ને નેસલ પ્રોગ્ઝ પર રાખવામાં આવ્યા હતા. કેટલાક બાળકોને કિડની તેમજ અન્ય જોખમી બીમારી હતી અને કો-મોર્બિડિટી ધરાવતા હતા. અમુકને રેમડેસિવિર પર અપાયા હતા અને સાજા થતા ડિસ્ચાર્જ કરાયા હતા.

અન્ય સમાચારો પણ છે...