ધરપકડ:કુખ્યાત બૂટલેગર મહાજનનો ભાઇ શરાબ સાથે પકડાયો

રાજકોટ શહેરના કુખ્યાત બૂટલેગરના ભાઇના ઘરે દરોડો પાડી પોલીસે રૂ.42,200નો વિદેશી દારૂ પકડી પાડ્યો છે. રાજકોટ સહિત સૌરાષ્ટ્રભરના પોલીસ ચોપડે ચડી ચૂકેલા કુખ્યાત બૂટલેગર હર્ષદ મહાજનના દેવપરા વિસ્તારમાં આવેલા વૃંદાવનપાર્કમાં રહેતા ભાઇ ભાવેશ માણેકલાલ માંડલિયાના રહેણાક મકાનમાં વિદેશી દારૂનો જથ્થો હોવાની ક્રાઇમ બ્રાંચને માહિતી મળી હતી. જેના આધારે દરોડો પાડી પોલીસે ભાવેશને તેના ઘરેથી વિદેશી દારૂની 40 બોટલ તેમજ 32 ચપલા સાથે પકડી પાડ્યો છે. ભાવેશ અગાઉ જુગાર-દારૂના ગુનામાં પકડાઇ ચૂક્યો છે.