ઘરના જ ઘાતકી નીકળ્યા:રાજકોટમાં કોઠારીયા પેટ્રોલ પંપ નજીક ભત્રીજાએ સગા કાકાના હાથમાંથી રૂ.14 લાખ રોકડ ભરેલા થેલાની લૂંટ મચાવી

રાજકોટ6 દિવસ પહેલા
  • કૉપી લિંક
  • મકાન વેચાણના પૈસા ઘરે લઈને આવ્યા ત્યારે ભત્રીજો થેલો પડાવી બાઈક પર ભાગી ગયો

શહેરમાં કોઠારીયાના પેટ્રોલ પંપ પાસે દીન દહાડે એક લૂંટની ઘટના સામે આવી છે આ અંગે ઘટનાની જાણ થતા આજીડેમ પોલીસ મથકનો કાપલો તુરંત ઘટના સ્થળે દોડી ગયો હતો અને તપાસનો શરૂ કર્યો હતો જેમાં મકાન વેચ્યાના રૂ.14 લાખ લઈને કાકાના હાથમાંથી ભત્રીજો પૈસાનો થેલો ઝૂંટવી નાસી ગયાની ફરિયાદ પોલીસ મથકમાં નોંધાઇ છે. ગણતરીની કલાકોમાં જ લૂંટારા ભત્રીજાને પોલીસે દબોચી લઈ રૂ.14 લાખની મત્તા કબ્જે કરી કાયદેસરની કાર્યવાહી હાથ ધરી છે.

મકાન રૂ.14 લાખમા વેચેલું હતું
જેમાં રાજકોટના કોઠારીયા રોડ પર રહી મજૂરી કામ કરતા અશોકભાઇ ગોરધનભાઇ ચોવટીયાએ ફરિયાદમાં જણાવ્યું હતું કે ગઇ તા. 01-08-2022 ના સાંજના 8.30 વાગ્યે હુ તથા મારા પિતા ગોરધનભાઇ તથા મારા પત્નિ સંગીતાબેન તથા મારો ભાઇ જગદીશભાઇ તથા મારો મિત્ર કાંન્તિભાઇ તથા મારા કાકાનો દિકરો હાર્દીક અમો બધા અલગ અલગ વાહન લઈને મારા પિતા ગોરધનભાઇ ચોવટીયા અમારુ કોઠારીયા રોડ ૨ણુજા મંદિર પટેલ પાર્ક શેરી નં-1 મા આવેલ મકાન કૌશલભાઇ સીશાંગીયને રૂ. 14 લાખમા વેચેલું હતું.

કૌશલભાઇના મોટા બાપુના ઘરે ગયા
વધુમાં તેમણે જણાવ્યું હતું કે,જેનુ લખાણ કૌશલભાઇના મમ્મીના નામે કરેલ જે રૂપીયા લેવા અમો બધા મવડી ચોક્ડી રાધે હોટલ પાછળ કૌશલભાઇના મોટા બાપુના ઘરે ગયેલ અને જ્યા કાગળનુ તમામ કામ પૂર્ણ કરી રૂ.14 લાખ રોકડા લઈ એક કાળા થેલામા મુકી મારા પિતા આપેલ અને ત્યાથી હુ તથા મારા પત્નિ એક હોન્ડામા બેસેલ અને 14 લાખ ભરેલો થેલો લઈ ત્યાથી બધા અમારા ઘરે જવા નિકળેલ હતા.

ચોવટીયા ચોરી કરી નાસી ગયો
વધુમાં તેમણે જણાવ્યું હતું કે,આશરે દસથી સાડા દસ આસપાસ અમો બધા અમારા ઘરે શાનદાર ટાઉનશીપ કોઠારીયા પેટ્રોલ પંપ આગળ પહોચેલ દરમિયાન મારા પિતા રૂપીયા ભરેલો થેલો લઈ નીચે ઉતરેલ તેવામા અચાનક હાર્દિકે જોટ મારી મારા પિતાના હાથમાથી રૂપીયા ભરેલો થેલો ઝુટવી લઈ પોતાનુ વાહન લઈ ભાગી ગયેલ અને અમો તેની પાછળ ગયેલ અને અમારી રીતે તપાસ કરતા મળી આવેલ નહી તો આ મારા કાકનો દિકરો હાર્દીક ચંદ્રકાન્તભાઇ ચોવટીયા ચોરી કરી નાસી ગયેલ છે.