વરણી:નાગરિક બેન્કના ચેરમેન તરીકે નલિન વસા ફરી રિપીટ

નાગરિક બેન્કના ચેરમેન અને વાઇસ ચેરમેનની ચૂંટણી શનિવારે થઈ હતી. જેમાં ચેરમેન તરીકે નલિનભાઈ વસા, વાઇસ ચેરમેન તરીકે શૈલેષભાઈ ઠાકરની બિનહરીફ વરણી થઈ હતી.ચૂંટણી પૂર્વે 21 ડિરેક્ટરની એક બેઠક મળી હતી. આ બેઠકમાં ચેરમેન માટે નલિનભાઈ વસાના નામની દરખાસ્ત ડાયાભાઈ ડેલાવાળાએ મૂકી હતી અને વાઇસ ચેરમેન માટે શૈલેષભાઈ ઠાકરનું નામ ટપુભાઈ લીંબાસિયાએ દરખાસ્ત મૂકી હતી.

બાકીના ડિરેક્ટરે તેમને ટેકો જાહેર કર્યો હતો અને બિનહરીફ વરણી થઈ હતી. ચેરમેનપદ માટે એક ઉમેદવાર 6 વખત દાવેદારી નોંધાવી શકે છે. નલિનભાઈ વસા માટે ચેરમેન તરીકે તેમની છેલ્લી ટર્મ છે. શૈલેષભાઈ ઠાકર પહેલા વાઇસ ચેરમેન તરીકે જીવનભાઈ પટેલ હતા.