તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

સરાહનીય:ઉપલેટામાં ડિલિવરી બાદ લોહીનું પ્રમાણ ઘટી જતા માતા પોસ્ટ હેમરેજથી પીડાઈ, નર્સની સમય સુચકતાથી જીવ બચ્યો

રાજકોટ8 દિવસ પહેલા
  • કૉપી લિંક
  • ખારચીયા હેલ્થ અને વેલનેશ સેન્ટરમાં પોસ્ટ હેમરેજની ત્વરિત સારવાર અપાઈ

તાજેતરમાં જ મુળ ઉપલેટા તાલુકાના અને હાલ જાળગામના રહેવાસી સગર્ભા રસીલાબેન કેશુભાઇ કિડિયાને ડિલિવરી બાદ લોહીનું પ્રમાણ ઘટી જતા માતા પોસ્ટ હેમરેજથી પીડાયા હતા. એ સમયે ખારચીયા ગામે કાર્યરત હેલ્થ અને વેલનેશ સેન્ટર કાર્યરત નર્સ રીનાબેનની સમય સુચકતાથી રસીલાબેનનો જીવ બચ્યો હતો.

લોહીનું પ્રમાણ સાવ ઓછું હતું
પ્રાપ્ત વિગતો અનુસાર રસીલાબેન કિડિયા સગર્ભા હોવાથી તેમનું અર્લી રજીસ્ટ્રેશન કરાયું હતું. જાળગામ ખારચિયા હેલ્થ અને વેલનેશ સેન્ટરના નેજા હેઠળ આવતું હોઇ ત્યાં તેમની નિયમિત તપાસ કરાઇ રહી હતી. પરતું તેમનું વજન માત્ર 40 કિલો અને લોહીનું પ્રમાણ સાવ ઓછું 7.5 હતું. આ ઉપરાંત અગાઉ 2009માં પણ ડીલીવરી થઇ હોવાથી તેઓની હાઇરીસ્ક એ.એન.સી. નોંધ કરાઇ હતી.

2 કિલો અને 200 ગ્રામ વજનના બાળકનો જન્મ થયો
આથી તેઓને આયર્ન સોર્સની બોટલ પણ ચડાવાઇ હતી. જેથી લોહીનું પ્રમાણ વધીને 10.5 થયું હતું. તા. 21-05-2021ના રોજ તેઓને પી.એચ.સી. સેન્ટર મોટી પાનેલી ખાતે 2 કિલો અને 200 ગ્રામ વજનના બાળકનો જન્મ થયો હતો. ત્યારબાદ તેઓને પોસ્ટ હેમરેજ શરૂ થઇ જતાં સ્ટાફ નર્સ રીનાબેન સુવાએ સતર્કતા દાખવી હતી

ગાયનેક ડોકટર અને તેની ટીમ દ્વારા સારવાર આપવામાં આવી
નર્સ દ્વારા તેમને પ્રાથમિક સારવાર આપી હેલ્થ અને વેલનેશ સેન્ટર ખારચીયાના ડો. નારણ ડાંગર તથા પી.એચ.સી. સેન્ટર મોટી પાનેલીના ડો. વોરાને તુરત જ જાણ કરી હતી. જેથી તેઓ તુરંત અરોગ્ય કેન્દ્ર ખાતે પહોચી ગયા હતા. રસીલાબેનને ત્વરિત સારવાર હેઠળ લઇને ગાયનેક ડોકટર અને તેની ટીમ દ્વારા સ્ટીચ (ટાંકા) લેવામાં આવ્યા ઉપરાંત લોહિનું પ્રમાણ 5.5 થઇ જતાં એક યુનીટ બ્લડ પણ ચડાવાયું હતું. બીજા દિવસે તેમની તબિયત સ્વસ્થ થતા તેઓને રજા આપવામાં આવી હતી. હાલ માતા અને બાળક બન્ને સ્વસ્થ છે.